Connect with us

ជីវិតកម្សាន្ដ

ស្ថាប័ន MPI បកស្រាយជុំវិញករណីផ្ទុះការរិះគន់ពិធីការិនី ឌួង ហ្សូរីដា

បានផុស

នៅ

កញ្ញា ឌួង ហ្សូរីដា ថ្មីៗ​កន្លង​ទៅ​នេះ បាន​រង​ការ​រិះគន់​ពី​សំណាក់​ទស្សនិកជន និង​អ្នក​និយម​ប្រើប្រាស់​បណ្ដាញ​សង្គម​ហ្វេស​ប៊ុក​មួយ​ចំនួន​ធំ ព្រោះតែ​នាង​និយាយ​កាត់​ជនជាតិ​ហ្វីលីពីន អំឡុង​ចាប់​ដៃគូ​ធ្វើជា​ពិធី​ការិនី​ក្នុង​កម្មវិធី​ប្រឡង​បវរកញ្ញា​ភព​ផែនដី​អន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿង​ដែល​គេ​រិះគន់​កញ្ញា ឌួង ហ្សូ​រី​ដា នេះ ដោយ​ហេតុ​ថា​នាង​បាន​ប្រើ​កាយវិការ​និយាយ​កាត់​សង្វាក់​ពិធី​ការិនី​ជនជាតិ​បរទេស​ជាច្រើន​ដង ហើយ​ថែមទាំង​ប្រកាស​រៃអង្គាស​ប្រាក់​សុំ​ជំនួយ​ពី​ទស្សនិកជន​ម្នាក់ ១ ដុល្លារ​ទៀត​ផង។ សកម្មភាព​នេះ​ទើប​ធ្វើ​ឲ្យ​មាន​ការ​វែកញែក និង​រិះគន់​ពី​អ្នក​គាំទ្រ​ពេញ​បណ្ដាញ​សង្គម។

បន្ទាប់ពី​មាន​ការ​រិះគន់​យ៉ាង​ច្រើន​របស់​មហាជន ពេលនេះ​ស្រាប់តែ​ខាង​ស្ថាប័ន MPI បាន​ចេញ​មក​បកស្រាយ ដើម្បី​ការពារ​កិត្តិយស​ជូន​ពិធី​ការិនី ឌួង ហ្សូ​រី​ដា បញ្ចៀស​ការ​យល់​ច្រឡំ​ខ្លាំង​ជាង​នេះ។

ផ្អែក​តាម​ខ្លឹមសារ​បកស្រាយ​របស់​ស្ថាប័ន​បវរកញ្ញា​មួយ​នេះ​បាន​លើក​ឡើង​ថា តាងនាម​ឲ្យ​គណៈ​គ្រប់គ្រង នៃ​កម្មវិធី​ប្រកួត​បវរកញ្ញា​ភព​ផែនដី​អន្តរជាតិ យើងខ្ញុំ​សូម​ជម្រាប​បកស្រាយ​ជូន​ប្រិយមិត្ត​ទាំងអស់​ឲ្យ​បាន​ជ្រាប​ថា ៖ ក្នុង​កម្មវិធី​ប្រកួត​ផ្ដាច់ព្រ័ត្រ​ដែល​បាន​រៀបចំឡើង​កាលពី​រាត្រី​ថ្ងៃ​ទី ២៩ ខែ​មករា ឆ្នាំ ២០២៣ កន្លងទៅ មាន​ការ​កាត់​យក​ចំណែក​ខ្លះ នៃ​ឃ្លិប​ក្នុង​កម្មវិធី​ប្រកួត​ដែល​នាំ​ឲ្យ​កើត​មាន​ការ​យល់ច្រឡំ​រិះគន់​ដោយ​ពុំ​ពិចារណា​ហេតុ និង​ផល នាំ​ឲ្យ​ប៉ះពាល់​កិត្តិយស​កេរ្តិ៍ឈ្មោះ​ពិធី​ការិនី​របស់​យើង គឺ​កញ្ញា ឌួង ហ្សូ​រី​ដា យើង​សូម​គូរ​បញ្ជាក់​ដូចតទៅ​, ១.​ចំពោះ​ចំណុច​ដែល​មាន​ការ​ជជែក​វែក​ញែក និង​ត្រូល​លើ​វគ្គ​និយាយ​កាត់​រវាង​ពិធី​ការិនី​ខ្មែរ និង​ហ្វីលីពីន គឺជា​ការ​និយាយ​លេង​ក្នុង​វគ្គ​សម្រាក ហើយ​ក្រុមការងារ​ផ្នែក​ផ្សព្វផ្សាយ​មាន​កំហុស​ដោយ​អចេតនា​ពុំបាន​កាត់​ចេញពី​ការ​និយាយ​លេង​នោះ​ទៅ​ចាក់​ផ្សាយ​ពាណិជ្ជកម្ម​វិញ។ ២.​បញ្ហា​រៃអង្គាស​ទឹកប្រាក់ ១ ដុល្លារ ក៏​ជា​ការ​ទទួល​ខុសត្រូវ និង​ស្ថិត​ក្នុង​មាតិកា​ដែល​កញ្ញា​ពិធី​ការិនី​របស់​យើង​ត្រូវតែ​ធ្វើតាម​ការ​រៀបចំ​របស់​គណៈកម្មការ​។

យើងខ្ញុំ​ទាំងអស់​គ្នា សង្ឃឹម និង​ជឿជាក់​ថា ប្រិយមិត្ត​គ្រប់រូប នឹង​យល់​នូវ​ចំណុច​ដែល​យើងខ្ញុំ​ធ្វើការ​បកស្រាយ​ទាំងអស់​នេះ។ ស្ថាប័ន​ខាងលើ​បន្ថែម៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម