Blake Lively សម្រាលកូនទីបួនជាមួយ Ryan Reynolds

តារាស្រីអាមេរិកាំង Blake Lively និងតារាប្រុសកាណាដា-អាមេរិកាំងលោក Ryan Reynolds បានស្វាគមន៍កូនទីបួនហើយ បន្ទាប់ពីរៀបការអស់រយៈពេល ១០ ឆ្នាំ ។

អ្នកស្រី Blake បានបង្ហោះរូបគ្រួសារកាលពីថ្ងៃអាទិត្យ ទី១២ ខែកុម្ភៈ កន្លងផុតទៅ ក្នុងនោះគេសង្កេតឃើញពោះអ្នកស្រីសំប៉ែតវិញហើយមានន័យថាគាត់ទើបសម្រាលកូន ។

គួររំលឹកថាការពរពោះកូនទីបួនត្រូវប្រកាសជាសាធារណៈនៅខែកញ្ញា ឆ្នាំ២០២២ នៅលើកម្រាលព្រំក្រហមជាមួយសំលៀកបំពាក់ម៉ាក Maison Valentino ពណ៌មាសដ៏ប្រណិតរបស់នាង ។

ចំណែកឯកូនបីនាក់ទៀតគឺកូនស្រីទាំងអស់គឺ James អាយុ ៧ឆ្នាំ Inez អាយុ ៦ឆ្នាំ និង Betty អាយុ ៣ឆ្នាំ ។

យ៉ាងណាមិញអ្នកទាំងពីរមិនទាន់បង្ហាញភេទកូននៅឡើយដឹងត្រឹមថាលោកប៉ា Ryan មានបងប្អូនប្រុសដល់ទៅ ៤ នាក់ដូច្នេះគាត់ចង់បានកូនស្រីច្រើនជាងកូនប្រុសដដែល ៕

ប្រែសម្រួល ៖ វារី

ចុចអាន ៖ Song JoongKi និងមិត្តស្រីចុះសំបុត្រអាពាហ៍ពិពាហ៍ ខណៈនាងមានផ្ទៃពោះ ២ ខែហើយ

ចុចអាន ៖ កីឡាការនីវាយតេន្នីស Naomi Osaka មានផ្ទៃពោះកូនដំបូងហើយ!