ខួបកំណើត អ៊ីងហ្វា ម្សិលមិញ ទស្សនិកចាប់អារម្មណ៍នឹងរូបថតមួយសន្លឹក

កាលពីថ្ងៃទី១៥ ខែកុម្ភៈ ឆ្នាំ២០២៣ ម្សិលមិញនេះ ម្ចាស់ជយលាភីរងទី១នៃកម្មវិធី Miss Grand International 2022 បវរកញ្ញា អ៊ីងហ្វា វ៉ារ៉ាហា (Engfa Waraha) ​បានប្រារព្ធពិធីខួបកំណើតយ៉ាងអធិមអធម ប្រកបដោយភាពកក់ក្ដៅជាមួយនឹងភ្ញៀវកិត្តិយសសុទ្ធតែបុគ្គលក្នុងវិស័យសម្រស់។

ក្នុងពិធីខួបកំណើតគម្រប់ ២៨ឆ្នាំរបស់បវរកញ្ញា អ៊ីងហ្វា ម្ចាស់មកុដ Miss Grand Thailand 2022 នាងបានធ្វើឡើងយ៉ាងប្លែកអឹកអធឹក និងប្លែកពីគេបន្តិច ព្រោះតែម្ចាស់ខួបបានសម្ដែងដោយផ្ទាល់ រីឯភ្ញៀវសំខាន់ៗសុទ្ធសឹងស្លៀកពាក់ប្រពៃណីថៃ។

ក្នុងឱកាសពិសេសរបស់ខ្លួន អ៊ីងហ្វា បានសម្ដែងនូវក្ដីរំភើបយ៉ាងខ្លាំង ក៏ដូចជាអរគុណគ្រប់គ្នាដែលជួយរៀបចំខួបឱ្យខ្លួនផងដែរ។ ជាមួយគ្នានោះ ទស្សនិកហាក់ចាប់អារម្មណ៍ខ្លាំងនឹងរូបថតស្និទ្ធស្នាលរវាង អ៊ីងហ្វា និងបវរកញ្ញា Charlotte Austin ម្ចាស់ជយលាភីរងទី៤នៃកម្មវិធី Miss Grand Thailand 2022។ ក្នុងរូបភាពបង្ហាញថា អ្នកទាំងពីរស្អិតរមួតគ្នាមិនធម្មតា ដោយ អ៊ីងហ្វា បានថើបថ្ពាល់ Charlotte យ៉ាងស្និទ្ធ រហូតអ្នកគាំទ្រនាំគ្នាបង្អាប់ពួកគេព្រោងព្រាត៕

ប្រែសម្រួល៖ សន្យា

ចុចអាន៖ ទ្រព្យសម្បត្តិ Yaya ឆ្នាំនេះ កើនឡើងវាល់លានដុល្លារ មិនចាញ់តារាស្រីរួមជំនាន់ឡើយ