ជីវិតកម្សាន្ដ

តួឯកស្រីរឿង “ផ្សងស្នេហ៍គ្រប់ជាតិ” ស្អាតតាំងពី វ័យជំទង់ រហូតមកដល់បច្ចុប្បន្ន

បានផុស

៣ years មុន

នៅ

ថ្ងៃចន្ទ ២០ កុម្ភៈ ២០២៣

ដោយ

ចូលប្រឡូកក្នុងវិស័យសិល្បៈអស់រយៈពេលយូរឆ្នាំមកហើយ ប៉ុន្តែតារាសម្ដែង Aff Taksaorn នៅតែមានប្រជាប្រិយភាពច្រើនឡើងៗ រួមទាំងសម្រស់ក៏កាន់តែក្មេងជាងមុន រហូតអ្នកស្រករក្រោយសុំចាញ់ថែមទៀត…

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិសេសមួយរយៈនេះនាងបានធ្វើឲ្យអ្នកលេងបណ្ដាញសង្គមមានការភ្ញាក់ផ្អើលជាខ្លាំង បន្ទាប់ពីបញ្ចេញរូបរាងសិចស៊ីជាញឹកញាប់លើបណ្ដាញសង្គម ខណៈជាទូទៅមហាជនកម្រឃើញ Aff ស្លៀកពាក់បញ្ចេញសាច់ណាស់កាលពីមុន។ ប៉ុន្តែទោះបីជាយ៉ាងណា នាងនៅតែត្រូវបានគេចាត់ទុកថាជារៀមច្បងដែលស្រស់ស្អាត មិនប្រែប្រួលទៅណាឡើយ។

យ៉ាងណាមិញបើត្រឡប់ទៅក្នុងសម័យកាល ចាប់តាំងពី Aff ចូលក្នុងឧស្សាហកម្មដំបូង ពោលគឺតាំងពីពេលដែលនាងរៀននៅវិទ្យាល័យ។ ពេលនោះនាងបានថតម៉ូដឲ្យទស្សនាវដ្ដី Ploy Gam Petch ដែលជាទស្សនាវដ្ដីនារីដ៏ល្បីមួយនាពេលកន្លងមក ក្រោយមកនាងត្រូវបានគេស្គាល់តាមរយៈរឿង “”ឥន្ទធនូ” និងស្រីស្អាតក្នុងស្ប៉តពាណិជ្ជកម្ម “Miss Teen”។ នៅពេលជានិស្សិតនៅសាកលវិទ្យាល័យ Chulalongkorn នាងក៏បានចូលរួមក្នុងសកម្មភាពផ្សេងៗដូចជាសម្ដែងនៅលើឆាក ជាស្រីស្អាតតំណាងកីឡានៅសាកលវិទ្យាល័យ។ ចំណែកការងារក្នុងវិស័យសិល្បៈវិញក្នុងទម្រង់ជារឿងភាគនោះ គឺឆ្នាំ២០០១ Aff សម្ដែងក្នុងរឿង Mit Chaibancha MayaCheevit សម្ដែងជាតួ King Dao Darunee។

ត្បិតថាធ្លាប់ជោគជ័យលើវិស័យសិល្បៈកាលកន្លងមកក្ដី តែជីវិតអាពាហ៍ពិពាហ៍របស់រៀមច្បងរូបនេះមិនបានឈានដល់ទ្វារសុភមង្គលដូចគេឡើយ។ នាងបានសម្រេចចិត្តរៀបការជាមួយហៃសូ Songkran Taechanarong រហូតទទួលបានកូនស្រីម្នាក់គឺ Avarin Tejanarong ដែលក្រោយមក អ្នកទាំងពីរបានប្រកាសលែងលះគ្នា ដោយសារតែ ជនទី៣។ នាពេលនោះក៏ល្បីថា Aff បានបាត់មុខពីវិថីសិល្បៈមួយរយៈធំ ព្រោះតែរឿងរ៉ាងជីវិតគូរបស់នាងមិនសមប្រកប។

ទោះយ៉ាងណា បច្ចុប្បន្ននេះ តារាស្រី Aff កំពុងតែវិលចូលប្រឡូកក្នុងវិស័យសិល្បៈវិញយ៉ាងពេញទំហឹង ក្នុងនាមជាពិធីការនី និងជាតារាសម្ដែង រួមទាំងព្រឹត្តិការណ៍ផ្សេងៗផងដែរ។ ទោះបីជាមានពេលវេលាតិចក្នុងការធ្វើការក្នុងឧស្សាហកម្មនេះខុសពីមុនដោយសាររវល់មើលថែកូនស្រី តែយ៉ាងណាតារាស្រីរូបនេះនៅតែស៊ីដាច់ប្អូនៗស្រករក្រោយ ដោយនាងនៅតែដើរតួឯកក្នុងរឿងភាគជាមួយតួឯកប្រុសវ័យក្មេងបានសឹងតែគ្រប់រឿង។ ជាពិសេស កាលវិលមកកាន់អាជីពចាស់នេះក៏បានធ្វើឲ្យកេរ្តិ៍ឈ្មោះរបស់នាងលេចធ្លោជាងមុន មិនថាជារឿងសម្រស់នោះទេ៕