ជីវិតកម្សាន្ដ

ស្វាមីសេដ្ឋី Chompoo មានជំនួញអ្វីខ្លះក្នុងដៃ ទើបហ៊ានប្រគល់មរតកឲ្យភរិយាទាំងអស់

បានផុស

៣ years មុន

នៅ

ថ្ងៃចន្ទ ២០ កុម្ភៈ ២០២៣

ដោយ

អ្នកជំនួញវ័យក្មេង Nott ត្រូវបានគេដឹងថា លោកគឺជាស្វាមីរបស់តារាសម្ដែង Chompoo Araya បន្ទាប់ពីរៀបអាពាហ៍ពិពាហ៍អស់ជាង៧ឆ្នាំ គូស្នេហ៍នេះទទួលបានកូនប្រុសស្រី៣នាក់ក្នុងបន្ទុក ហើយក៏ជាគ្រួសារដែលមហាជនក្នុងប្រទេសថៃ ស្រលាញ់ពេញចិត្តយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ កាលពីពេលថ្មីនេះៗស្វាមីសេដ្ឋី Chompoo ធ្លាយចចាមអារ៉ាមថា លោកមានទំនាក់ទំនងនឹងតារាស្រីម្នាក់ដែលមានការងារជាគ្រូបង្ហាត់នៅក្លឹបហាត់ប្រាណរបស់លោក។ ជាងនេះទៅទៀត Nott ថែមទាំងទិញផ្ទះឲ្យនាងស្នាក់នៅ និងជួលអង្គរក្សតាមមើលថែជាពិសេសផងដែរ។ ក្រោយមក គូស្នេហ៍ Nott-Chompoo បានចេញមុខបកស្រាយថា មិនមែនជាការពិតឡើយ គ្រប់យ៉ាងគឺពួកអ្នកស្អប់ (Hater) ព្យាយាមបំប៉ោងព័ត៌មានប៉ុណ្ណោះ!

ទន្ទឹមនោះ លោកក៏បាននិយាយថា រាល់ទ្រព្យសម្បត្តិរបស់លោកទាំងអស់នឹងប្រគល់ឲ្យភរិយាទាំងអស់ ដោយមិនមានលក្ខខណ្ឌអ្វីឡើយ។ ដំណឹងនេះក៏បានធ្វើឲ្យមហាជនទូទាំងប្រទេសថៃ ហាក់ងឿងឆ្ងល់និងចង់ដឹងថា ស្វាមីហៃសូនេះមានអាជីវកម្មអ្វីខ្លះក្នុងដៃ ទើបហ៊ានប្រគល់មរតកឲ្យភរិយាគ្មានសល់។

សេដ្ឋី Nott មានឈ្មោះពេញថា Nott Wisarut Rangsi Singpipat បច្ចុប្បន្នមានអាយុ៤៥ ឆ្នាំ កើតនៅថ្ងៃទី ០៥ ខែសីហា ឆ្នាំ១៩៧៧ ជាកូនប្រុសរបស់លោក Winai និងលោកស្រី Uraiwan Rangseesingh Phiphat ម្ចាស់អាជីវកម្ម Racer Electric (Thailand) Co., Ltd. ដែលដើរតួនាទីយ៉ាងសំខាន់នៅក្នុងប្រទេស ក្នុងការផលិតឧបករណ៍បំភ្លឺ។ សម្រាប់ជីវិតផ្ទាល់ខ្លួន លោកកូនទី ៣ នៃគ្រួសារ ដោយមានបងប្អូនបង្កើត ៤ នាក់ គឺលោកស្រី Nok Naphawilai លោកស្រីវជ្ជបណ្ឌិត Ratwilai និងប្អូនពៅ Note Wisat បច្ចុប្បន្នរៀបការជាមួយតារាស្រី Patricia ។

បើនិយាយពីការអប់រំ Nott បានបញ្ចប់ថ្នាក់វិទ្យាល័យពីសាលា St. Gabriel មុននឹងផ្លាស់ទៅសិក្សានៅបរទេសនៅប្រទេសអូស្ត្រាលីនៅសាលា Canderwell Grammar School និងប្រឡងចូលសាកលវិទ្យាល័យនៅមហាវិទ្យាល័យវិស្វកម្មអគ្គិសនីនៅសាកលវិទ្យាល័យ RMIT មុនពេលហោះត្រឡប់មកថៃវិញ ដើម្បីសិក្សាថ្នាក់អនុបណ្ឌិតនៅសាកលវិទ្យាល័យ Chulalongkorn ផ្នែកគ្រប់គ្រងពាណិជ្ជកម្ម។

សេដ្ឋីប្រាក់លានរូបនេះ គឺជាអ្នកស្នងមរតករបស់គ្រួសារអ្នកជំនួញ ដែលគ្រប់គ្រងក្រុមហ៊ុន Racer Electric (Thailand) Co., Ltd. តាមពិតក្រុមហ៊ុននេះ ក៏មានក្រុមហ៊ុនបុត្រសម្ព័ន្ធចំនួន ៥ ដែលអាចបែងចែកដូចខាងក្រោម៖

១ Racer Electric (Thailand) Co., Ltd. មានតួនាទីជាអ្នកផលិតឧបករណ៍បំពងសំឡេង និងឧបករណ៍បំភ្លឺ។

២ Racer Global Trade Co., Ltd. មានតួនាទីជាអ្នកនាំចូល និងនាំចេញឧបករណ៍បំភ្លឺទៅកាន់ប្រទេសចំនួន២០ ជុំវិញពិភពលោក។

៣ Racer Wire Works Co., Ltd. ដើរតួនាទីជាអ្នកផលិតវត្ថុធាតុដើមស្ពាន់ ខ្សែភ្លើង និងឧបករណ៍។

៤ ក្រុមហ៊ុន Mira Cable Co., Ltd មានតួនាទីជាអ្នកផលិត និងចែកចាយខ្សែកាប។

៥ ក្រុមហ៊ុន Lee Kijchareonsang Co., Ltd. មានតួនាទីជាអ្នកផលិត និងចែកចាយអំពូលអគ្គិសនី LeKise ។

លើសពីនេះទៀត Nott ក៏ជាវិស្វករជាន់ខ្ពស់របស់ក្រុមហ៊ុន ខណៈក្រុមហ៊ុន Vinay Cable Co., Ltd. ទទួលបន្ទុកមើលការខុសត្រូវលើការផលិតខ្សែអគ្គិសនីជាច្រើនប្រភេទ ហើយលោកក៏មានហាងលក់សំលៀកបំពាក់ SaifahBhayu (Thunderstorm) ដែលចូលហ៊ុនជាមួយភរិយា Chompoo Araya ។

រហូតមកដល់ពេលនេះ មហាជនថៃជាច្រើនតែងស្ងើចសរសើរពីទឹកចិត្តស្វាមី Chompoo គ្មានគ្រួសារណាដែលល្អឥតខ្ចោះលើសពូកគេនោះទេ។ ក្រៅពីជីវិតស្នេហាដ៏ល្អ ការងារ និងអាជីវកម្មគ្រួសាររបស់ពួកគេជាប់ចំណាត់ថ្នាក់កំពូលក្នុងប្រទេស។ ដូច្នេះមិនចម្លែកទេដែលក្រុម Hater តែងច្រណែននឹងជីវិតរបស់គូស្នេហ៍នេះ ហើយព្យាយាមបបង្កើតព័ត៌មានវាយប្រហារដូចកាលកន្លងមក៕