Song Joong Ki តូចចិត្តនឹងពាក្យចចាមអារ៉ាមអំពីភរិយា

តារាសម្ដែង Song Joong Ki បានក្លាយជាតារាបង្ហាញមុខរបស់ទស្សនាវដ្ដី GQ Korea និងបានបើកចំហយ៉ាងស្មោះត្រង់អំពីពាក្យចចាមអារ៉ាមផ្សេងៗ និងការយកចិត្តទុកដាក់ហួសហេតុជុំវិញអំពីភរិយារបស់លោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមជាតារាបង្ហាញមុខសម្រាប់ទស្សនាវដ្ដី ‘GQ’ លោក Song Joong Ki បានចែករំលែកគំនិតរបស់គាត់ក្នុងការផ្តល់ព័ត៌មានអំពីអាពាហ៍ពិពាហ៍របស់គាត់ដល់សាធារណជន ក៏ដូចជាប្រតិកម្មពីពាក្យចចាមអារ៉ាមមួយចំនួនដែលលេចចេញតាមប្រព័ន្ធអ៊ីនធឺណែតបន្ទាប់ពីមានដំណឹងរៀបការជាមួយ Katy ។

Song Joong Ki បាននិយាយថា “ដំបូងខ្ញុំមិនបានគិតពីពាក្យចចាមអារ៉ាមច្រើនទេ ចំពោះមនុស្សដូចយើង នោះជាផ្នែកនៃជីវិត ហើយទោះបីជាមនុស្សជាច្រើន បានដឹងអំពីទំនាក់ទំនងរបស់យើងក៏ដោយ វាមិនដូចជាស្នេហារបស់យើងនឹងផ្លាស់ប្តូរនោះទេ។ និយាយតាមត្រង់ពេលពាក្យចចាមអារ៉ាម ខ្លះមិនគួរឲ្យជឿ ខ្ញុំមានអារម្មណ៍ខឹង»។

Song Joong Ki បន្តទៀតថា “ក្រៅពីឈ្មោះសាកលវិទ្យាល័យដែលនាងបានបញ្ចប់ការសិក្សាពាក្យចចាមអារ៉ាមផ្សេងទៀតភាគច្រើនគឺមិនពិត។ ខ្ញុំពិតជាខឹង និងខកចិត្តណាស់។ នៅពេលនោះ Katy បាននិយាយថា “អ្នកមិនចាំបាច់បង្ហាញកំហឹងទេ”។ Katy តែងតែសម្លឹងមើលអ្វីៗជាវិជ្ជមាន ហើយយើងព្យាយាមរក្សាតុល្យភាពគ្នាទៅវិញទៅមក ។

យ៉ាងណាមិញ មុននេះនៅថ្ងៃទី ៣០ ខែ មករា ប្រព័ន្ធផ្សព្វផ្សាយកូរ៉េបានរាយការណ៍ថា Song Joong Ki បានប្រកាសរៀបការជាមួយតារាសម្តែងជនជាតិអង់គ្លេស Katy Louise Saunders ដែលភរិយារបស់លោកមានផ្ទៃពោះនិងត្រូវបានរំពឹងថានឹងសម្រាលកូននៅខែសីហា ៕

ប្រែសម្រួល៖នាងតូច

ចុចអាន៖Lee Jongsuk ទម្លាយចរិតមិត្តស្រី IU ជាមនុស្សកំប្លែងបំផុតក្នុងលោក