Paris Hilton ដាច់ចិត្តចែករំលែករឿងត្រូវបុរសចំណាស់រំលោភ

តារាហូលីវូដ Paris Hilton បានចែករំលែកទៅកាន់ទស្សនាវដ្ដី Glamour ថាកាលពីអាយុ ១៥ ឆ្នាំនាងធ្លាប់ត្រូវថ្នាំ និងរំលោភដោយបុរសវ័យចំណាស់ដែលស្គាល់គ្នានៅផ្សារទំនើប Westfield Century City ។

កាលនោះ Hilton និងមិត្តភ័ក្ដិចូលចិត្តនាំគ្នាទៅដើរលេងនៅផ្សារទំនើបណាស់ ពួកគេតែងតែឃើញបុរសវ័យចំណាស់មួយក្រុមនៅក្បែរហាងលក់ទំនិញ ហើយមិត្តភ័ក្តិ Paris និងខ្លួននាងផ្ទាល់ក៏បានឲ្យលេខទំនាក់ទំនងប្រាស្រ័យទាក់ទងគ្នាជាមួយពួកគាត់ ។

ថ្ងៃមួយបុរសមួយក្រុមនោះបានអញ្ជើញ Hilton និងមិត្តស្រីៗរបស់នាងទៅផ្ទះពួកគាត់ដើម្បីជួបជុំគ្នាធម្មតាហើយផឹកគ្រឿងស្រវឹងបន្តិចបន្តួច ទោះបី Hilton មិនចង់ផឹកក៏ត្រូវគេបង្ខំដែរ ស្រាប់តែផឹកបានពីរបីក្អឹកនាងវិលមុខតែម្ដង ។

ខណៈ Hilton មិនមានស្មារតី នាងឃើញបុរសម្នាក់នៅលើខ្លួន ដៃខ្ទប់មាត់ ហើយខ្សឹបដាក់ត្រចៀកនាងថា “អ្នកយល់សុបិនទេ” យ៉ាងណា Hilton នៅតែដឹងពីរឿងដែលបានកើតឡើង ។

សេដ្ឋិនីប្រាក់ពាន់លាននិយាយប្រាប់ទស្សនាវដ្ដី Glamour ថា “ខ្ញុំគ្រាន់តែជាក្មេងស្រីតូចម្នាក់ប៉ុណ្ណោះ ខ្ញុំមានអារម្មណ៍ថាពួកគេលួចកុមារភាពរបស់ខ្ញុំទៅបាត់ហើយ” ។

ចំណែករឿងមួយទៀតដែល Hilton លាក់ជិត ២០ ឆ្នាំគឺនាងធ្លាប់រំលូតកូនដោយសារមិនចង់ឆ្លងកាត់ការពពោះនិងសម្រាលដោយខ្លួនឯង ដូច្នេះនាងសម្រេចចិត្តប្រើសេវាកម្មពពោះសម្រាប់ស្វាគមន៍កូនប្រុស Phoenix នេះទៅ ៕

ប្រែសម្រួល ៖ វារី

ចុចអាន ៖ កូនមានអាយុជិតមួយខែ ទើប Paris Hilton សម្រេចចិត្តប្រាប់ឈ្មោះពេញ