ជីវិតកម្សាន្ដ
លោកតា វ៉័ចទ័រ បញ្ជាក់ពាក់ព័ន្ធវីដេអូក្រុមកំប្លែងចាក់ផ្សាយនៅ CTN ជាថ្មី
អ្នកគាំទ្រ និងទស្សនិកជនជាច្រើន បានភ្ញាក់ផ្អើល និងចាប់អារម្មណ៍ជាថ្មី បន្ទាប់ពីឃើញការចាក់ផ្សាយនូវវីដេអូក្រុមកំប្លែង នាយ ពែកមី ដែលដឹកនាំដោយ លោក សុវណ្ណ រិទ្ធី ហៅ តាវ៉ិចទ័រ ជាថ្មី នៅ ស្ថានីយទូរទស្សន៍CTN ក្រោយពីក្រុមលោកបានប្រកាសដើរចេញពីស្ថានីយទូរទស្សន៍មួយនេះអស់មួយរយៈធំហើយនោះ។
ជាការពិតសម្រាប់ការបង្ហាញវត្តមានសម្ដែងជាថ្មី នៅ CTN ពេលនេះ បានធ្វើឲ្យអ្នកគាំទ្រ ព្រមទាំងមហាជនមួយចំនួនដាក់ជាមន្ទិលសង្ស័យថា ទំនងក្រុមកំប្លែងនាយ ពែកមី កូនក្រុមលោកតា វ៉ិចទ័រ មានការចរចាវិលមកចូលកំប្លែងនៅទ្រនំចាស់ហើយមើលទៅ ទើបមានការចាក់បញ្ចាំងដូច្នេះ។
ស្រាយចម្ងល់មហាជនលោកតា វ៉ិចទ័រ បានប្រាប់កម្ពុជាថ្មីតាមរយៈប្រព័ន្ធសង្គមតេឡេក្រាមថា វីដេអូ កំប្លែង របស់សមាជិកក្រុមលោក ពិតជាបានចាក់បញ្ចាំងនៅស្ថានីយទូរទស្សន៍CTN និងMY TV មែន។ ប៉ុន្តែពុំមែនមានន័យថា ក្រុមលោកវិលទៅធ្វើការនៅទីនោះជាថ្មីវិញទេ។ លោកថា ក្រុមហ៊ុន 9 Colors Production ជាអ្នកសម្រេច ព្រោះលោកបានសហការផលិតកម្មវិធីសំណើចសម្រាប់ចាក់ផ្សាយតាមបណ្ដាស្ថានីយទូរទស្សន៍នានា។
លោកតា វ៉ិចទ័រ បន្តទៀតថា សម្រាប់ក្រុមហ៊ុន 9 Co lors មិនប្រកាន់ប៉ុស្តិ៍ណាទេ គឺយើងសហការគ្នាធ្វើការ ហើយរាល់វីដេអូដែលចាក់ផ្សាយនៅគឺសុទ្ធផលិតថ្មីទាំងអស់។ ចំពោះស្ថានីយទូរទស្សន៍ CTN ពុំមានបញ្ហាអ្វីនឹងគ្នាទេ ពោលគឺលោកនៅតែគោរពដឹងគុណដល់ថ្នាក់ដឹកនាំCTN ព្រោះកន្លងមកលោកបានឱកាសនេះដោយសារការយកចិត្តទុកដាក់ពីថ្នាក់ដឹកនាំCTN ក្នុងការរៀនសូត្រចំណេះជំនាញជាច្រើន៕
អត្ថបទ ៖ ចាន់រ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង