ជឿថាប្រិយមិត្តភាគច្រើនប្រាកដជាស្គាល់តារារ៉េបជនជាតិថៃ Lalisa ដែលបច្ចុប្បន្ននាងជាសមាជិកក្រុមចម្រៀង Blackpink កំពុងជ្រកកោនក្រោមផលិតកម្ម YG Entertainment របស់ប្រទេសកូរ៉េខាងត្បូង។

មុនក្លាយជាតារា Kpop ដែលមានកេរ្តិ៍ឈ្មោះល្បីល្បាញដូចសព្វថ្ងៃ Lalisa ធ្លាប់ទទួលឥទ្ធិពលពីតារា Kpop រៀមច្បង ហើយនាងអាចមានឱកាសចូលរួមជាសមាជិកនៃក្រុម Blackpink គឺដោយសារតារាស្រីវ័យ ២៥ឆ្នាំរូបនេះ ខិតខំប្រឹងប្រែង និងហាត់ពត់លត់ដំខ្លួនឯងខ្លាំងបំផុត។

តាមរយៈបទសម្ភាសន៍ជាមួយទស្សនាវដ្ដី Bazaar តារារ៉េប Lalisa បានចែករំលែកអតីតកាល មុនឈានជើងចូល Kpop ថា នាងចាប់ផ្ដើមហ្វឹកហាត់ច្រៀង និងរាំតាំងអាយុ ៤ឆ្នាំមកម្ល៉េះ ដោយសារចង់ក្លាយជាអ្នកចម្រៀង ប៉ុន្តែកាលណោះមិនទាន់នឹកស្រមៃក្លាយជាតារា Kpop នោះទេ។

លុះមានពេលមួយនោះ នាងបានទៅមើលការប្រគុំតន្ត្រីរបស់តារា Kpop រៀមច្បង ហើយនាងពិតជាជក់ចិត្តដិតអារម្មណ៍យ៉ាងខ្លាំងទៅលើការរាំរបស់តារាទាំងនោះ។ ​នាងបានសង្កេតមើលការសម្ដែងដ៏រស់រវើករបស់ពួកគេ ហើយឥទ្ធិពលរបស់ពួកគេបានជម្រុញនាង ធ្វើឱ្យនាងប្តេជ្ញាចិត្តចង់បង្ហាញខ្លួនលើឆាកឱ្យបានល្អដូចជាពួកគេដែរ។ ដោយសារការតាំងចិត្ត ដើម្បីសម្រេចក្ដីស្រមៃក្លាយជាអ្នកចម្រៀងល្បី នាងបានទៅរៀនរាំ និងហ្វឹកហាត់ខ្លួនឯងជាច្រើនឆ្នាំ រហូតមានសមត្ថភាពអាចប្រឡងចូលផលិតកម្ម YG Entertainment ដោយជោគជ័យ នៅឆ្នាំ២០១៦៕

ប្រែសម្រួល៖ សន្យា

ចុចអាន៖ បើមិនក្លាយជាតារាចម្រៀងទេ Lisa នឹងចាប់អាជីពមួយនេះ

ចុចអាន៖ ត្រឹមរយៈពេល ២៤ ម៉ោង អាល់ប៊ុមទោលរបស់ Jisoo ត្រូវកុម្ម៉ង់ទុកមុន ១០០ ពាន់បន្ទះ