តារារ៉េបល្បីឈ្មោះ អាហ្វ្រិកខាងត្បូង កំពុងច្រៀងសុខៗ ស្រាប់តែដួលស្លាប់លើឆាក

តារា​រ៉េប​អាហ្វ្រិក​ខាង​ត្បូង Costa Titch ដែលមានឈ្មោះពិត Constantinos Tsobanoglou បាន​ដួលស្លាប់ភ្លាមៗនៅលើឆាក អំឡុងពេលច្រៀងក្នុងមហោស្រពតន្ត្រី Ultra South Africa កាលពីចុងសប្តាហ៍។​

វីដេអូដែលចែកចាយនៅលើប្រព័ន្ធផ្សព្វផ្សាយសង្គម បានបង្ហាញពីតារារ៉េបអាយុ២៨ឆ្នាំរូបនេះ ដួលនៅលើឆាក មុនពេលគេទៅលើក។ បន្ទាប់ពីក្រោកឈរ បានមួយភ្លែត គាត់ក៏ដួលម្តងទៀត។

ទោះបីជាយ៉ាងណាក៏ដោយ ភ្លាមៗ មិនទាន់មានព័ត៌មានអំពី​មូលហេតុ​នៃ​ការ​ស្លាប់​នោះ​ទេ។

Tsobanoglou កំពុងបង្កភាពល្បីល្បាញនៅប្រទេសអាហ្រ្វិកខាងត្បូង។ ស្ទីលរ៉េបរបស់គាត់ គឺរួមបញ្ចូលគ្នានូវវប្បធម៌ រចនាប័ទ្ម និងភាសាជនជាតិដើមរបស់អាហ្វ្រិកខាងត្បូង។

Tsobanoglou កើតនៅក្រុង Nelspruit ភាគឦសានប្រទេសអាហ្វ្រិកខាងត្បូង ហើយគាត់ជាអតីតអ្នករាំដ៏ជោគជ័យ មុនពេលក្លាយជាតារារ៉េប។

បទចម្រៀង Big Flexa របស់ Tsobanoglou បានធ្វើឲ្យគាត់មានឈ្មោះបោះសំឡេងនៅទូទាំងទ្វីបអាហ្រ្វិក បន្ទាប់ពីបទនេះផ្ទុះខ្លាំងនៅលើ TikTok៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ 7news

ចុចអាន៖ Kanye West សារភាពថា ញៀនសិច និងចូលចិត្តមើលរឿងអាសអាភាស ក្រោយលែងលះជាមួយភរិយា