ជីវិតកម្សាន្ដ

Pu Praya និង Fan Bingbing ចូលរួមកម្មវិធីតែមួយ ជះសម្រស់ស្អាតមិនចាញ់គ្នា

បានផុស

២ years មុន

នៅ

ថ្ងៃពុធ ១៥ មីនា ២០២៣

ដោយ

តារាសម្ដែងថៃ Pu Praya ត្រូវអញ្ជើញជាភ្ញៀវកិត្តិយសចូលរួមក្នុងកម្មវិធីជប់លៀងពានរង្វាន់ Academy Awards លើកទី ៩៥ នៃមូលនិធិ Elton John AIDS នៅ West Hollywood រដ្ឋ California ជាមួយតារាបរទេសជាច្រើនដួង ខណៈនាងបង្ហោះរូបភាពមួយសន្លឹកកៀកតារាចិន Fan Bingbing ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវិធីលំដាប់អន្តរជាតិមួយនេះ Pu Praya ស្លៀករ៉ូបស្បៃពណ៌ខ្មៅពីម៉ាក Tomford ចំហឲ្យឃើញសាច់ដើមទ្រូងដ៏ទ្រលុកទ្រលន់កៀកនឹងតារាលើទឹកដីនាគ Fan Bingbing ស្របពេលដែលអ្នកទាំងពីរជះសម្រស់ម្យ៉ាងម្នាក់ ស្អាតមិនចាញ់គ្នាប៉ុន្មាននោះទេ។ ជាមួយគ្នានោះដែរ នៅលើប្រព័ន្ធផ្សព្វផ្សាយក្នុងពេលដែលអ្នកទាំងពីរបានបង្ហាញកាយវិការស្និទ្ធស្នាលគ្នាខ្លាំង អ្នកគាំទ្រទូទាំងពិភពលោកចាប់អារម្មណ៍មិននឹកស្មានថា អ្នកទាំងពីរមានឱកាសបានជួបគ្នាក្នុងព្រឹត្តិការណ៍អន្តរជាតិ ជាពិសេសបានចូលទៅបញ្ចេញមតិ ចង់ឲ្យតារាចិននិងតារាថៃរបស់ពួកគេជួបនិងសម្ដែងភាពយន្តជាមួយគ្នាថែមទៀតផង។

យ៉ាងណាមិញងាកទៅកាន់ Pu Praya វិញ បន្ទាប់ពីនាងជ្រៀតខ្លួនសាងកេរ្តិ៍ឈ្មោះចាប់អាជីពលើទឹកដីអាមេរិកអស់រយៈពេលច្រើនឆ្នាំ តារាស្រីរូបនេះតែងតែងមានឱកាសជួបជាមួយតារាហូលីវូដ និងលេងខ្លួនបែបសិចស៊ីមួយចាស់ដៃ ដោយមិនខ្វល់លើការរិះគន់លើនាងសូម្បីតែបន្តិចណាសោះឡើយ៕