លេចធ្លាយរូបថត Angelina Jolie ណាត់ជួបជាមួយមហាសេដ្ឋីម្នាក់

តារាសម្តែង Angelina Jolie ត្រូវក្រុមអ្នកលួចថតរូបចាប់បាន ក្រោយអ្នកស្រីកំពុងតែជជែកជាមួយមហាសេដ្ឋី David Mayer de Rothschild អំឡុងពេលអាហារថ្ងៃត្រង់នៅទីក្រុង Malibu រដ្ឋកាលីហ្វ័រញ៉ា កាលពីថ្ងៃ ព្រហស្បតិ៍នៅសប្តាហ៍មុន ។

គេហទំព័រ Page Six បានបញ្ចេញរូបភាពរបស់អ្នកស្រី Angelina Jolie បង្ហាញញញឹមនៅពេលនាង ចាកចេញពីភោជនីយដ្ឋានជាមួយមហាសេដ្ឋីជនជាតិអង់គ្លេសនៅក្បែរគាត់។ ក្នុងអំឡុងពេលធ្វើ ដំណើរជាមួយអ្នកស្រី Angelina Jolie មហាសេដ្ឋីវ័យ ៤៤ ឆ្នាំរូបនេះបានបង្ហាញខ្លួនក្នុងអារម្មណ៍សប្បាយរីករាយ ។ ទោះជាយ៉ាងណាក៏ដោយ ការណាត់ជួបគ្នានេះអាចជាការងារកិច្ចប្រជុំដែល ព្រោះតែលោក Mayer de Rothschild គឺជាអ្នកតស៊ូមតិផ្នែកបរិស្ថាន ។

ទោះយ៉ាងណាមកទល់ពេលនេះ អ្នកស្រី Angelina Jolie មិនទាន់មានទំនាក់ទំនងស្នេហាជាសាធារណៈទេ ចាប់តាំងពីនាងបែកពីអតីតស្វាមី Brad Pitt ក្នុងឆ្នាំ ២០១៦។ អ្នកទាំងពីរបានប្រកាសភាពនៅលីវស្របច្បាប់នៅឆ្នាំ ២០១៩ ប៉ុន្តែមិនអាចបញ្ចប់ព័ត៌មានលម្អិតនៃការលែងលះបានទេ ដោយសារបញ្ហាទ្រព្យសម្បត្តិមិនទាន់សម្រេច។

ទន្ទឹមនឹងនេះ ក្នុងឆ្នាំ ២០២១ អ្នកស្រី Angelina Jolie ត្រូវបានគេប្រទះឃើញណាត់ជួបអាហារពេលល្ងាចជាមួយតារាចម្រៀង Weeknd ក្នុងទីក្រុង Los Angeles ប៉ុន្តែអ្នកទាំងពីរមិនបានបញ្ជាក់អំពីទំនាក់ទំនងរបស់ពួកគេទេ ហើយពួកគេក៏មិនត្រូវបានគេប្រទះឃើញជាមួយគ្នានាពេលថ្មីៗនេះដែរ។ បន្ទាប់មកនៅដើមឆ្នាំនេះអ្នកស្រី ក៏មានពាក្យចចាមអារ៉ាមអំពីទំនាក់ទំនងស្នេហាជាមួយ Paul Mescal ក្រោយត្រូវបានគេប្រទះឃើញទៅញ៉ាំកាហ្វេកាលពីខែ មករា៕

ប្រែសម្រួល៖នាងតូច

ចុចអាន៖ជនដៃដល់សម្លាប់តារារ៉េប XXXTentacion ត្រូវកាត់ទោសឱ្យជាប់ពន្ធនាគារអស់មួយជីវិត