Daesung អតីតសមាជិក Big Bang ចុះកិច្ចសន្យាជាមួយផលិតកម្មថ្មី

បន្ទាប់ពីកិច្ចសន្យារបស់លោកជាមួយផលិកម្ម YG Entertainment បានផុតកំណត់ Daesung អតីតសមាជិកក្រុងចម្រៀង Big Bang បានចុះកិច្ចសន្យាជាផ្លូវការចូលរួមជាមួយផលិតកម្មថ្មីមួយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីព្រឹកថ្ងៃទី ៣ ខែ មេសា ខាងផលិតកម្ម R&D បានប្រកាសថា Daesung ដែលជាសមាជិកក្រុម Big Bang បានចុះកិច្ចសន្យាជាផ្លូវការជាមួយក្រុមហ៊ុនសម្រាប់ការធ្វើដំណើរនាពេលខាងមុខ។ ក្រុមហ៊ុនបាននិយាយថា “យើងបានចុះហត្ថលេខាលើកិច្ចសន្យាផ្តាច់មុខជាមួយ Daedung ដែលបានទទួលការស្រឡាញ់ជាច្រើនពីអ្នកគាំទ្រ K-Pop ជុំវិញពិភពលោកក្នុងនាមជាសមាជិកក្រុម Big Bang” ។

នៅក្នុងសេចក្តីប្រកាសនេះខាងផលិតកម្ម R&D បានបញ្ជាក់ថា ខ្លួនបានបង្កើតក្រុមចម្រៀងដាច់ដោយឡែកមួយដែលមានឈ្មោះថា D-Label សម្រាប់ Daesung ដើម្បីជួយគាត់ឱ្យទទួលបានជោគជ័យបន្ថែមទៀតនាពេលអនាគត។ យើងសន្យាថានឹងគាំទ្រសកម្មភាពរបស់គាត់ដោយអស់ពីចិត្តគ្រប់សកម្មភាពរួមទាំងតន្ត្រីផងដែរ ។

ជាការកត់សម្គាល់ បើទោះបីជាលោកបានចូលបម្រើការងារនៅក្រុមហ៊ុនគ្រប់គ្រងថ្មីក៏ដោយ ក៏តារាចម្រៀងប្រុសកើតឆ្នាំ ១៩៨៩ រូបនេះ នឹងបន្តធ្វើការជាមួយអ្នកគ្រប់គ្រងចាស់របស់លោកដដែល។ គេដឹងថា អ្នកគ្រប់គ្រងនេះបានជាមួយនិងធ្វើការជាមួយ Daesung អស់រយៈពេលជាង ១០ ឆ្នាំមកហើយ ។

យ៉ាងណាមិញ កាលពីដើមខែធ្នូ ឆ្នាំ ២០២២ ខាងផលិតកម្ម YG Entertainment បានប្រកាសថា Dae sung គឺជាសមាជិកទីពីរបន្ទាប់ពី TOP ដែលមិនបន្តកុងត្រាជាមួយក្រុមហ៊ុន។ ទោះយ៉ាងណាក៏ដោយ Daesung នៅតែបញ្ជាក់ថាលោកនឹងជាសមាជិកក្រុម Big Bang ជានិច្ចហើយក្រុមនឹងមិនរំសាយឡើយ ៕

ប្រែសម្រួល៖នាងតូច

ចុចអាន៖Ice ទម្លាយថា នាងធ្លាប់មានជំងឺបាក់ទឹកចិត្ដអស់រយៈពេល ៨ ឆ្នាំ