ជីវិតកម្សាន្ដ

Ice ទម្លាយថា នាងធ្លាប់មានជំងឺបាក់ទឹកចិត្ដអស់រយៈពេល ៨ ឆ្នាំ

បានផុស

៣ years មុន

នៅ

ថ្ងៃអង្គារ ៤ មេសា ២០២៣

ដោយ

តារាសម្ដែង Ice Preechaya ទើបតែបង្ហើបពីអាម្មណ៍ផ្ទាល់ខ្លួនក្នុងកម្មវិធីមួយថា នាងធ្លាប់មានជំងឺបាក់ទឹកចិត្តអស់រយៈពេលជាង៨ឆ្នាំមក ហើយក៏ពុំមានអ្នកណាដឹងនោះទេ ខណៈបច្ចុប្បន្ននេះនាងបានជាសះស្បើយសឹងក្លាយជាមនុស្សថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈកម្មវិធី EP.109 តារានិយមលេងខ្លួនសិចស៊ីរូបនេះនិយាយប្រាប់ពិធីការនីស្រី Jennifer Kim “កាលណោះខ្ញុំកំពុងអង្គុយជាមួយឪពុក ហើយខ្ញុំមានអារម្មណ៍ថាមិនប្រក្រតីចំពោះខ្លួនឯង។ ពេលនោះឪពុកខ្ញុំសួរថា ម៉េច Ice មើលទៅដូចជាមិនធម្មតាចឹង? ឪពុកសួរថាមានរឿងអី? ប៉ុន្តែខ្ញុំបែរជាយំមិនឈប់ រហូតដល់ត្រូវទៅជួបគ្រូពេទ្យទើបដឹងថាខ្លួនឯងកំពុងបាក់ទឹកចិត្តចំពោះរឿងយូរមកហើយ”។

តួឯកស្រីក្នុងរឿង “I fine thank you love you” បានបន្ថែមទៀតថា ខ្ញុំបាក់ទឹកចិត្តអស់រយៈពេល ៨ឆ្នាំ ប៉ុន្តែខ្ញុំគិតថាគ្រួសារ មិត្តភក្តិ សូម្បីតែមិត្តរួមការងារគឺជារឿងសំខាន់បំផុត។ អ្វីគ្រប់យ៉ាងមានសារៈសំខាន់ខ្លាំងណាស់ ដូច្នេះខ្ញុំត្រូវជម្នះយកភាពឈ្នះមួយនេះឲ្យទាល់តែបាន”។

ទោះយ៉ាងណា Ice Preechaya មិនបានបង្ហើបពីការបាក់ទឹកចិត្តរបស់នាងថាបណ្ដាលមកពីបញ្ហាអ្វីនោះទេ។ មកទល់ពេលនេះ នាងហាក់ទទួលការព្យាបាលយ៉ាងត្រឹមត្រូវ រហូតជាសះស្បើយ១០០ភាគរយ និងមានកម្លាំងចិត្តច្រើនជាងកាល៨ឆ្នាំមុនផងដែរ៕