Harry Styles បដិសេធមិនដើរតួជាព្រះអង្គម្ចាស់ក្នុងរឿង ទេពមច្ឆាតូច ឆ្នាំ ២០២៣

នៅពេលមហាជនបានដឹងអំពីការផលិតខ្សែភាពយន្តមនុស្សរឿង “ទេពមច្ឆាតូច” ពួកគេនាំគ្នាសង្ឃឹមថាតួព្រះអង្គម្ចាស់ Eric គឺសម្ដែងដោយ Harry Styles ឬ Shawn Mendes ជាដើម ។ ប៉ុន្តែអ្នកដឹកនាំរឿងបញ្ជាក់ថា តួព្រះអង្គម្ចាស់ Eric គឺជាលោក Jonah Hauer-King ព្រោះ Harry Styles បានបដិសេធក្នុងការដើរតួ ។

លោក Rob Marshall អ្នកដឹកនាំរឿងមានប្រសាសន៍ថា Harry Styles ជាបុរសគួរឲ្យស្រលាញ់និងអស្ចារ្យ ប៉ុន្តែចុងក្រោយគាត់បានបដិសេធមិនដើរតួព្រះអង្គម្ចាស់ Eric ទេ ។ យ៉ាងណាក្ដីលោក Marshall នៅតែសប្បាយចិត្តជាមួយតួអង្គឯកទាំងពីរក្នុងរឿងទេពមច្ឆាតូច ដែលពួកគេជាតារាចំណូលថ្មីនិងមានវ័យក្មេង ។

កាលពីឆ្នាំ ២០១៩ Harry Styles ធ្លាប់បដិសេធសំណើរដោយលើកយកហេតុផលចង់ផ្ដោតលើការងារបទចម្រៀងជាមុនសិន ហើយបន្ថែមទៀតថាទោះបីគាត់មិនបានសម្ដែងក៏ចាំទស្សនារឿងដ៏អស្ចារ្យនេះដែរ ។ 

គួរបញ្ជាក់ថារឿងទេពមច្ឆាតូចនឹងចេញផ្សាយនៅរោងភាពយន្តក្នុងថ្ងៃទី២៦ ខែឧសភា ឆ្នាំ២០២៣ នេះ ចំណែកតួសំខាន់ៗរបស់យើងវិញគឺ Halle Bailey ជាមច្ឆាតូច Ariel Melissa McCarthy ជាបិសាច Jonah Hauer-King ជាព្រះអង្គម្ចាស់ Eric និងតួសម្ដែងជាច្រើនទៀត ៕

ប្រែសម្រួល ៖ វារី

ចុចអាន ៖ តារាចម្រៀង Harry Styles មិនខ្លាចលេងម៉ូដសំលៀកបំពាក់ក្នុងកម្មវិធី Grammys ២០២៣