ក្នុងពេលសម្តែងការប្រគំតន្រ្តីក្នុងប្រទេសអូស្ត្រាលីកាលពីល្ងាចថ្ងៃទី ២០ ខែកុម្ភៈ តារាចម្រៀង Harry Styles បានចាក់ស្រាចូលស្បែកជើងរបស់លោក ហើយបានផឹកវានៅលើឆាកដែលធ្វើឲ្យទស្សនិកជនរិះគន់ទង្វើមួយនេះ ។

កាលពីថ្ងៃទី ២០ ខែ កុម្ភៈ គេហទំព័រ Pagesix បានរាយការណ៍ថាតារាចម្រៀង Harry Styles ទើបតែបានសម្តែងនៅទីក្រុង Perth ប្រទេសអូស្ត្រាលី ដោយតារាចម្រៀងប្រុសផឹកទឹកពាក់ស្បែកជើងលើឆាក។ វីដេអូដែលថតដោយអ្នកគាំទ្រ បង្ហាញពីអតីតសមាជិក One Direction បានយកស្បែកជើង Adidas ចាក់ជាតិអាល់កុលចូលបន្ទាប់មកផឹកនៅមុខហ្វូងអ្នកគាំទ្រ។

ជាមួយគ្នានោះ Harry និយាយបែបកំប្លែងទៅកាន់អ្នកគាំទ្រថា “នេះគឺជាប្រពៃណីដ៏គួរឱ្យខ្លាចបំផុត មួយដែលខ្ញុំធ្លាប់ដឹង ហើយខ្ញុំមានអារម្មណ៍ដូចជាមនុស្សផ្សេង ខ្ញុំខ្មាស់គេ ក៏ដូចជាខ្មាស់ខ្លួនឯង”។ ភ្លាមៗវីដេអូនេះត្រូវបានគេផ្សព្វផ្សាយសកម្ម ភាពរបស់តារាចម្រៀងប្រុសរូបនេះត្រូវបានអ្នកទស្សនាជាច្រើនរិះគន់។ ក្នុងនោះក៏មានមតិមួយចំនួនបានបញ្ចេញថា “ផឹកទឹកក្នុងស្បែកជើងបែកញើស? និងអ្នកខ្លះទៀតបាននិយាយថា គួរឲ្យសង្វេគណាស់» «ហេតុអ្វីបានជាទស្សនិកជន លើកសរសើរបែបនេះ ខ្ញុំមានអារម្មណ៍ចង់ក្អួត» ។

ទោះយ៉ាងណាក៏ដោយ ក៏មានមតិគាំទ្រចំពោះ Harry Styles ផងដែរ ពួកគេជឿថាការផឹកស្រានៅក្នុងស្បែកជើង គឺជាទង្វើដ៏ពេញនិយមមួយនៅក្នុងប្រទេសអូស្ត្រាលី ដែលទង្វើនេះមានអត្ថន័យនាំសំណាងល្អក្នុងជីវិត ៕

ប្រែសម្រួល៖នាងតូច

ចុចអាន៖Rihanna សារភាពថាមានសម្ពាធខ្លាំង អំឡុងពេលសម្រាលកូនដំបូង