តារាចម្រៀង Harry Styles មិនខ្លាចលេងម៉ូដសំលៀកបំពាក់ក្នុងកម្មវិធី Grammys ២០២៣

លោក Harry Style សមាជិកក្រុមចម្រៀង One-Direction លេងម៉ូដសំលៀកបំពាក់បញ្ចេញចុងសុដន់ដើម្បីចូលរួមក្នុងកម្មវិធី Grammys ២០២៣ កាលពីយប់ថ្ងៃអាទិត្យទី០៥ ខែកុម្ភៈ ម្សិលមិញនេះ ។

សំលៀកបំពាក់តារាចម្រៀងប៉ុបខាងលើច្នៃម៉ូដដោយ EgonLab ម៉ាកបារាំងដ៏ល្បីល្បាញជាមួយនឹងគ្រីស្ទាល់ម៉ាក Swarovski បង្កើតបានជាអៀមចម្រុះពណ៌ភ្លឺផ្លេកៗគួរឲ្យចាប់អារម្មណ៍ ។

ចំពោះម៉ូដអៀមក្នុងកម្មវិធី Grammys មើលទៅស្រដៀងនឹងអៀមពណ៌ខៀវលាយក្រហមដែលគាត់ពាក់ក្នុងវីដេអូចម្រៀង “As It Was” បេះដាក់ ចំណែកឯអ្នកគាំទ្ររបស់ Harry វិញពេញចិត្តជាខ្លាំងទៅលើការស្លៀកពាក់បែបនេះដោយសរសេរបញ្ចេញមតិថា “បុរសរបស់ខ្ញុំស្អាតណាស់” ម្នាក់ទៀតសរសេរថា “គាត់ប្រៀបដូចជាគំនូរមួយផ្ទាំង” ។

តារាចម្រៀងវ័យ ២៩ ឆ្នាំដ៏សង្ហានេះបានរំពឹងថានឹងមានរាត្រីដ៏ធំនៅក្នុងកម្មវិធី Grammys បូករួមទាំងការឈ្នះពាន ៦ ផងដែរ ណាមួយលោក Harry ត្រូវឡើងសម្ដែងលើឆាក និងមានសំលៀកបំពាក់ក្រោយឆាករួចស្រេចពេលដល់ម៉ោងប្ដូរ ៕

ប្រែសម្រួល ៖ វារី

ចុចអាន ៖ អ្នកគាំទ្រស្រឡាំងកាំង ក្រោយឃើញ Harry Styles ថើបមាត់គ្នាជាមួយ Nick Kroll