អ្នកគាំទ្រស្រឡាំងកាំង ក្រោយឃើញ Harry Styles ថើបមាត់គ្នាជាមួយ Nick Kroll

អ្នកគាំទ្រមានការហួសចិត្ត និងស្រឡាំងកាំង បន្ទាប់ពីឃើញរូបថត និងវីដេអូដែលបានចែករំលែកលើផ្សព្វផ្សាយសង្គមបង្ហាញពី Harry Styles កំពុងឈរថើបជាមួយតារាសម្តែង Nick Kroll នៅមហោស្រពភាពយន្ត Venice ។

វត្តមានម្ចាស់បទ “As It Was” ដែលបានចូលរួមមហោស្រពភាពយន្តកាលពីថ្ងៃចន្ទក្នុងការផ្សព្វផ្សាយខ្សែភាពយន្ត “Don’t Worry Darling” គឺដោយសារតែរូបគេក៏បានសម្ដែងក្នុងរឿងដែលដឹកនាំដោយលោកស្រី Olivia Wilde ផងដែរ ។

អំឡុងពេលដែលកំពុងឈរអបអរសាទរការចាក់បញ្ជាំងឈុតខ្លីៗនៃរឿងមួយនេះ Harry Styles និងNick Kroll បានឈរថើបមាត់គ្នា បន្ទាប់មកអ្នកទាំងពីរបានឱបយ៉ាងផ្អែមល្ហែម អមដោយសំឡេងស្រែកហ៊ោ និងការទះដៃពីសំណាក់ទស្សនិកជនផងដែរ ។

ប៉ុន្តែក៏មានទស្សនិកជនមួយចំនួន ជាពិសេសអ្នកនិយមលេងអ៊ីនធឺណិតបានធ្វើការរិះគន់ចំពោះទង្វើររបស់ពួកគេ ដោយនិយាយថា វាជាអាកប្បកិរិយាមិនសមរម្យនោះទេ ។

បើទោះជាមានការិះគន់យ៉ាង​នេះ​ក្ដី​ក៏ Harry Styles បាននិយាយបើកចំហពីការស្រលាញ់ភេទដូចគ្នានៅលើឆាកប្រគំតន្ត្រីរបស់លោក ហើយថែមទាំងសារភាពថា រូបគេជាមនុស្សស្រលាញ់បានទាំងពីរភេទ ដើម្បីបញ្ចប់មន្ទិលសង្ស័យដល់អ្នកគាំទ្រអំពីទំនាក់ទំនងរបស់អ្នកទាំងពីរ ៕

ប្រែសម្រូល ៖ នាងតូច

ចុចអាន៖The Weeknd លុបចោលការប្រគំតន្រ្តីភ្លាមៗ ក្រោយទើបច្រៀងបាន ៣ បទកន្លះ

ចុចអាន៖Kanye West សារភាពថា ញៀនសិច និងចូលចិត្តមើលរឿងអាសអាភាស ក្រោយលែងលះជាមួយភរិយា