តាមពិតទារកដែល Ana Obregon យកមកចិញ្ចឹមបង្កើតពីមេជីវិតកូនប្រុសរបស់គាត់

តារាជើងចាស់ Ana Obregon ជនជាតិអេស្ប៉ាញវ័យ ៦៨ ឆ្នាំបាននិយាយថា កូនស្រីចិញ្ចឹមថ្មីរបស់គាត់បង្កើតមកពីមេជីវិតរបស់កូនប្រុសដែលបានបង្កកទុក ដូច្នេះនាងគឺជាចៅស្រីបង្កើតរបស់ខ្លួន ។

ទារិកាមានឈ្មោះ Ana Sandra  ទើបតែកើតមកមិនទាន់មួយខែនៅឡើយទេ Sandra ត្រូវលោកយាយយកមកចិញ្ចឹមព្រោះបុរសជាឪពុកបានស្លាប់ចោលតាំងពីឆ្នាំ ២០២០ មកម្ល៉េះ ។

ឪពុក Sandra គឺជាកូនប្រុសតែមួយរបស់ Obregon ឈ្មោះ Aless Lequio ស្លាប់ដោយសារជំងឺមហារីកនៅអាយុ ២៧ ឆ្នាំ ។ ទោះការស៊ីឈ្នួលពពោះធ្វើឡើងនៅ Miami ក្ដី ប៉ុន្តែនាងយកទារកនោះមកចិញ្ចឹមនៅអេស្ប៉ាញដែលការស៊ីឈ្នួលពពោះជារឿងខុសច្បាប់ និងធ្វើឲ្យរដ្ឋមន្ត្រី​រដ្ឋាភិបាល​មួយ​ចំនួន​មិនពេញចិត្ត ។

លោក Montero រដ្ឋមន្ត្រីសមភាពមានប្រសាសន៍ថា “វាគឺជាទម្រង់នៃអំពើហិង្សាទៅលើស្ត្រី បង្ហាញភាពលម្អៀងព្រោះស្ត្រីព្រមពពោះដើម្បីប្រាក់” មកទល់ពេលនេះតារាសម្ដែងខាងលើមិនទាន់ធ្វើការឆ្លើយតបនៅឡើយទេ ។

ប៉ុន្តែ Obregon ធ្លាប់និយាយថានៅអាមេរិកមិនពិបាកបែបនេះទេ មានតែនៅអេស្ប៉ាញប៉ុណ្ណោះដែលចិត្តចង្អៀត ណាមួយពួកយើងរស់នៅក្នុងសតវត្សចុងក្រោយហើយ ។ 

ជាចុងក្រោយកាលពីថ្ងៃពុធ ទី០៥ ខែមេសា អ្នកស្រីប្រកាសប្រាប់បណ្ដាញសង្គម Instagram ថាសៀវភៅដែលសរសេរដោយកូនប្រុសនិងខ្លួនកំពុងចេញលក់ក្នុងថ្ងៃទី ១៩ ខែមេសា ឆ្នាំខាងមុខនេះ ៕

ប្រែសម្រួល ៖ វារី

ចុចអាន ៖ រដ្ឋាភិបាលកម្ពុជា អនុញ្ញាតឱ្យសិក្សាច្បាប់ ស្ដីពីការពពោះជំនួស ឡើងវិញ