ព័ត៌មានអន្ដរជាតិ

ស្ត្រី រុស្ស៊ី ម្នាក់ សម្រេចបំណងយកកូន ២២ នាក់ ក្នុងវ័យត្រឹម ២៤ ឆ្នាំ

បានផុស

៥ years មុន

នៅ

ថ្ងៃចន្ទ ៨ វិច្ឆិកា ២០២១

ដោយ

“ខ្ញុំសុបិនអំពីរឿងនេះ តាំងពីកុមារភាព។ ប្ដីខ្ញុំក៏ស្រមៃចង់មានគ្រួសារធំមួយ ដែលមានសុភមង្គលដែរ»។ នេះជាសំដី របស់នាង Kristina Ozturk មានដើមកំណើតមកពីប្រទេសរុស្ស៊ី ជាមនុស្សស្រឡាញ់ទារកជាខ្លាំង។ នាងស្រមៃចង់មានគ្រួសារផ្ទាល់ខ្លួន ជាគ្រួសារធំចែករំលែកអនុស្សាវរីយ៍ដ៏រីករាយជាមួយគ្នារហូត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Kristina បានជួបប្ដីរបស់នាងសព្វថ្ងៃនេះ ហើយមានបំណងចង់បានកូនដូចគ្នានៅក្នុងជីវិតរបស់គាត់។ បុរសជាអាជីវករម្នាក់ឈ្មោះ Galip អាយុ ៥៧ ឆ្នាំ។ ពួកគេបានជួបគ្នានៅឯ Batumi រដ្ឋ Georgia កំឡុងពេលវិស្សមកាល ហើយបានជួបភ្លាមៗ បន្ទាប់ពីបានរកឃើញសុបិនរួមរបស់ពួកគេ។

នាង Kristina និយាយថា បន្ទាប់ពីយើងបានជួបគ្នា យើងចាប់ផ្ដើមសម្រេចក្ដីសុបិនរបស់យើង។ ទំនាក់ទំនងស្នេហារបស់យើងបានផ្លាស់ប្ដូរ ប៉ុន្តែបន្ទាប់មកជីវិតរបស់យើងទាំងមូលបានផ្លាស់ប្ដូរ មិនមែនត្រឹមតែផ្នែកមនោសញ្ចេតនានោះទេ»។

Kristina សម្រាលបានកូនដំបូងរបស់នាងនៅអាយុ ១៧ ឆ្នាំ។ ហើយនោះគ្រាន់តែជាការចាប់ផ្ដើមប៉ុណ្ណោះ! នាងនិងស្វាមី បានសម្រេចចិត្តពង្រីកគ្រួសារតាមរយៈការឲ្យស្ត្រីផ្សេងពពោះជំនួសបន្ថែមទៀត។ ហើយប្ដីប្រពន្ធនេះ បានសម្រេចបំណងនោះពិតមែន។

មកដល់បច្ចុប្បន្ននេះ កូនដែលនាង Kristina មានសរុបចំនួន ២២នាក់ និងបានចំណាយប្រាក់ដល់ទៅ ១៣៨,០០០ ផោន ក្នុងកិច្ចខិតខំប្រឹងប្រែងរបស់ពួកគេ សម្រាប់គ្រួសារដ៏ធំមួយ។

ជាការពិតណាស់ ការគ្រប់គ្រងក្រុមគ្រួសារដ៏ធំបែបនេះ ត្រូវការពេលវេលា ការខិតខំ និងលុយកាក់។ ការចិញ្ចឹមកូនម្នាក់អាចក្លាយជាការលំបាក សម្រាប់ឪពុកម្ដាយថ្មីភាគច្រើន។ ដែលទាំងនោះឪពុកម្ដាយថ្មី បានប្រាប់ពីផ្លូវចិត្ត និងរាងកាយចំពោះពួកគេ អំឡុងពេលមានកូនតូចៗ។ ប៉ុន្តែចំពោះគូស្វាមីភរិយានេះវិញ គឺមិនហត់នឿយនឹងចិញ្ចឹមក្មេងៗទាំងនោះឡើយ ព្រោះជាអ្វីដែលពួកគេចង់បានជាយូរណាស់មកហើយ៕

ប្រែសម្រួល៖ សាង ស្រីល័ក្ខ

ប្រភព៖relrules

ចុចអាន៖របស់ទាំងនេះមើលទៅសាមញ្ញ តែបើនិយាយពីតម្លៃវិញ ស្មើនឹងឡានមួយគ្រឿង

ចុចអាន៖លម្អិតពីវ៉ាក់សាំង រុស្សី ៥ ប្រភេទ ដែល កម្ពុជា អនុញ្ញាត ឲ្យប្រើប្រាស់បន្ទាន់