IU ស៊ីថ្លៃខ្លួនខ្ទង់លានដុល្លារ ក្លាយជាតារាស្រីកូរ៉េរកចំណូលបានច្រើនជាងគេ

តារាចម្រៀង និងជាតារាសម្តែង IU បានក្លាយជាតារាស្រីកូរ៉េដែលរកចំណូលបានច្រើនជាងគេ ដោយទទួលបាន ៥០០ លានវ៉ុន (ប្រហែល ៣៧៩,២០០ ដុល្លារ)ក្នុងមួយវគ្គសម្រាប់ការសម្តែងរឿងភាគ“You Have Done Well”របស់ក្រុមហ៊ុន Netflix ។

យោងទៅតាមការចុះផ្សាយរបស់ OSEN នៅរសៀលថ្ងៃទី ៦ ខែមេសាបានឲ្យដឹងថា ប្រាក់ឈ្នួលរបស់ IU សម្រាប់ការងាររឿងភាគថ្មី “You Have Done Well” បានកើនឡើងដល់ ៥០០ លានវ៉ុន (ប្រហែល ៣៧៩,២០០ ដុល្លារ) ក្នុងមួយវគ្គ។ ថ្មីៗនេះ ក៏មានពាក្យចចាមអារ៉ាមក្នុងឧស្សាហកម្មនេះថា ថ្លៃសម្តែងរបស់ IU ឡើងដល់ ១ ពាន់លានវ៉ុន (ប្រហែល ៧៥៨,៤៤០ដុល្លារ) ប៉ុន្តែវាត្រូវបានបញ្ជាក់ថាជាការអះអាងបំភ្លើស ហើយតម្លៃនៃការសម្តែងចុងក្រោយត្រូវបានសម្រេចនៅ៥០០ លានវ៉ុន (ប្រហែល ៣៧៩,២០០ ដុល្លារ) ក្នុងមួយវគ្គ ។

ទន្ទឹមនឹងនោះ ដោយសាររឿង “You Have Done Well” គឺជារឿងភាគដែលបានកំណត់ថតនៅកោះ Jeju ដែលថវិកាចំណាយផលិតមានទ្រង់ទ្រាយធំត្រូវបានគេរំពឹងថានឹងវិនិយោគ ដោយប៉ាន់ស្មានថាតម្លៃផលិតសរុបអាចនឹងលើស ពី ៦០ ពាន់លានវ៉ុន(ប្រហែល៤៥,៥០៩,៨៨០ដុល្លារ) ។

យ៉ាងណាមិញ នៅពេលបច្ចុប្បន្ននោះ IU កំពុងថតរឿង “You Have Done Well” ជាមួយ Park Bo Gum ក៏ដូចជាផ្សព្វផ្សាយខ្សែភាគថ្មីដែលនឹងចេញនាពេលខាងមុខ ដោយនាងសម្តែងជាតួឯកជា មួយ Park Seo Joon ផងដែរ ៕

ប្រែសម្រួល៖នាងតូច

ចុចអាន៖BLACKPINK នឹងបញ្ចេញ MV ពិសេសជាមួយវីដេអូហ្គេមផ្ទាល់ខ្លួន