BLACKPINK នឹងបញ្ចេញ MV ពិសេសជាមួយវីដេអូហ្គេមផ្ទាល់ខ្លួន

ខាងផលិតកម្ម YG Entertainment បានប្រកាសថាខ្លួននឹងបញ្ចេញ MV ពិសេសជាមួយការបើកដំណើរការវីដេអូហ្គេមផ្ទាល់ខ្លួន BLACKPINK នៅក្នុងត្រីមាសទីពីរនៃឆ្នាំនេះ ដែលមានឈ្មោះថា BLACKPINK The Game ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការប្រកាសពី YG អំពីវីដេអូហ្គេមទូរស័ព្ទដែលអនុញ្ញាតឱ្យអ្នកគាំទ្រចូលទៅលេងក្នុងពិភពចម្រុះ ហើយក្លាយជាអ្នកផលិតតន្ត្រីផ្ទាល់ខ្លួនរបស់ BLACKPINK ។ ជាមួយគ្នាហ្គេមនេះក៏មានមុខងារ Interface មួយដែលមានឈ្មោះថា BLACKPINK World ដែលអាចឱ្យអ្នកលេងតុបតែងរូប avatar របស់សមាជិកទាំង ៤ ហើយអ្នកលេងជុំវិញពិភពលោកក៏អាចជជែកគ្នាលេងបានផងដែរ។

អ្នកតំណាងរបស់ YG បានបញ្ជាក់ “តាមរយៈហ្គេមថ្មីមួយនេះ អ្នកគាំទ្រនឹងឃើញផ្នែកជាច្រើនរបស់ BLACKPINK ដែលពួកគេមិនដែលឃើញពីមុនមក។ យើងសង្ឃឹមថាអ្នកគាំទ្រជុំវិញពិភពលោក អាចទទួលបានបទពិសោធន៍ពិតរបស់ BLACKPINK តាមរយៈហ្គេមនេះ” ។

ទន្ទឹមនឹងនេះ ក្រុមហ៊ុន TakeOne ដែលជាអ្នកបង្កើតហ្គេម ក៏មានមោទនភាពយ៉ាងខ្លាំងចំពោះគម្រោងហ្គេមនេះ ។ លើសពីនេះក៏មាន MV ពិសេសនឹងបញ្ចេញសម្រាប់ហ្គេមហ្គេមនេះផងដែរ ដោយបច្ចុប្បន្នបច្ចុប្បន្ន YG Enterta inment មិនបានប្រកាសកាលបរិច្ឆេទចេញផ្សាយច្បាស់លាស់នៃវីដេអូ ហ្គេម BLACKPINK The Game ទេ ៕

ប្រែសម្រួល៖នាងតូច

ចុចអាន៖NewJeans ក្លាយជាក្រុម K-pop នារីដំបូងគេសម្តែងនៅមហោស្រពតន្ត្រី Lollapalooza