ថៅកែផលិតកម្មមហាហង្សប្រកាសដោះស្រាយបំណុលក្នុងជំនួញបើកកម្មវិធីបវរកញ្ញា

គេនៅចាំបានថា សម្រាប់កម្មវិធីប្រកួតបវរកញ្ញានៅកម្ពុជាគឺ Miss Grand Cambodia កាលពីកន្លងទៅបានលេចវត្តមានជាច្រើនឆ្នាំ គឺក្រោមការដឹកនាំ និងរៀបចំគ្រប់គ្រងដោយលោក អ៊ិន សុភិន ដែលជាថៅកែផលិតកម្មមហាហង្ស។

ក្នុងការប្រកួតជ្រើសរើសជាច្រើនឆ្នាំមកនេះលោកតែងនាំយកបវរកញ្ញាដែលជាប់ជ័យលាភីចេញទៅប្រកួតលើឆាកអន្តរជាតិជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែអ្វីដែលកាន់តែធ្វើឲ្យអ្នកគាំទ្រពិសេសអ្នកនិយមតាមដានវិស័យបវរកញ្ញានៅកម្ពុជាមានកាភ្ញាក់ផ្អើលនោះក្រោយការដឹកនាំបវរកញ្ញាតំណាងកម្ពុជាគឺកញ្ញា ពេជ្រ វត្តីសារ៉ាវឌ្ឍី ចេញទៅប្រកួតនៅលើឆាកអន្តរជាតិមិនបានប៉ុន្មានស្រាប់ស្រាប់តែលេចដំណឹងថា លោក អ៊ិន សុភិន បានប្រកាសសម្រេចឈប់ធ្វើកម្មវិធីប្រកួត Miss Grand Cambodia ចាប់ពីឆ្នាំ ២០២៣ នេះតែម្តង។

កាលនោះដំណឹងនេះបានធ្វើឲ្យអ្នកគាំទ្រផ្ទុះការចាប់អារម្មណ៍គ្រប់គ្នា។ ដោយឡែកក្រោយស្ងប់ស្ងាត់មួយរយៈខ្លីស្រាប់តែមុននេះអតីតអ្នកគ្រប់គ្រងកម្មវិធី Miss Grand Cambodia និងជាថៅកែផលិតកម្មមហាហង្ស លោក អ៊ិន សុភិន បានចេញមកប្រកាសថា លោកនឹងដោះស្រាយរាល់បំណុលដែលជំពាក់ដោយសារវិស័យមួយនេះ។

បើតាមខ្លឹមសាររបស់លោក អ៊ិន សុភិន បានរៀបរាប់ថា ហត់មែនតែនៅសើចស្រស់រឿងដែលធ្វើបន្តគឺត្រូវដោះស្រាយរាល់បំណុលដែលជំពាក់ដោយសាវិស័យមួយនេះមុនចាកចេញទៅធ្វើរឿងដើមវិញ។ លោក អ៊ិន សុភិន បានអះអាងថា ក្នុងរយៈ ៣ ឆ្នាំ ចំណាយទាំងលុយកាក់ពេលវេលាកំលាំងកាយកំលាំងចិត្តជួបរឿងជាច្រើនដែលមិនធ្លាប់ជួប។

ថៅកែផលិតកម្មមហាហង្សរូបនេះបានបន្ថែមទៅកាន់អ្នកគាំទ្រទៀតថា អរគុណគ្រប់យ៉ាងអ្នកដែលពាក់ព័ន្ធជួយលើកស្ទួយវិស័យ Miss and Mister ក្នុងប្រទេសកម្ពុជាអាយុច្រើនហើយឆ្នាំនេះ ៥៤ឆ្នាំ៕

អត្ថបទ៖ ចាន់រ៉ា