ល្បីថា ម្ដាយក្មេក Lee Seung Gi ​បានយកចំណងដៃកូនទៅបរិច្ចាគគ្មានសល់

កូនៗរៀបការរួចមិនបានប៉ុន្មានថ្ងៃ អ្នកស្រី Kyeon Mi Ri ​ម្តាយក្មេករបស់តារាសម្ដែង Lee Seung Gi ត្រូវបានគេចោទប្រកាន់ថាបានបរិច្ចាគប្រាក់ចំណងដៃកូនដល់អង្គការសប្បុរសធម៌មួយ ដែលអ្នកស្រីជាម្ចាស់។

កន្លងមក អ្នកស្រី Kyeong Mi Ri ធ្លាប់បង្ហើបថា អ្នកស្រីនឹងយកប្រាក់ដែលជាអំណោយក្នុងមង្គលការ Lee Seung Gi និង Lee Da In ជួយដល់អង្គការសប្បុរសធម៌ ក៏ដូចជាមូលនិធិជួយជនពិការផងដែរ ខណៈប្រាក់អំណោយមានដល់រាប់ពាន់ដុល្លារឯណោះ។

ការ​ចោទ​ប្រកាន់​បាន​រីក​រាល​ដាល​ក្រោយគេរកឃើញមូលនិធិ​មិន​រក​ប្រាក់​ចំណេញ​មួយបាន​ដាក់​ឈ្មោះ​ដំណើរការ​ថា “Mi Ri’s Laundry Room” ហើយដោយសារឈ្មោះនេះ អ្នក​និយម​លេង​អ៊ីនធឺរណិត​បាន​ចាត់ទុកវា​ជាមូលនិធិ​​​របស់អ្នកស្រី​ Kyeon Mi Ri។

យ៉ាងណាមិញ នៅថ្ងៃទី១១ ខែមេសា នាយក​ប្រតិបត្តិ​នៃ​មូលនិធិ​បានច្រានចោលពាក្យចចាមអារ៉ាមដែលថា ម្តាយរបស់តារាស្រី Lee Da In ជាម្ចាស់មូលនិធិ “Mi Ri’s Laundry Room” ។ នាយក​ប្រតិបត្តិ អ្នកស្រី Lee Geum Joo បញ្ជាក់ថា ​មូលនិធិ​នេះ​មិន​មែន​ជា​របស់អ្នកស្រី​ Kyeon Mi Ri ​នោះទេ។ ​ការ​អះអាង​ដែល​គ្មាន​មូលដ្ឋាន គឺ​ជាការ​ប្រមាថ​ដល់​ការ​ខិតខំ​ដ៏​បរិសុទ្ធ​របស់​អ្នក​ដែល​ធ្វើ​ការងារ​ស្ម័គ្រ​ចិត្តក្នុងមូលនិធិ។

ជាមួយគ្នានេះ នាយក​ប្រតិបត្តិ​នៃ​មូលនិធិបានបង្ហាញ​ពី​ទំនាក់ទំនង​​ជាមួយ​នឹងម្ដាយក្មេក Lee Seung Gi ថា អ្នកស្រីធ្លាប់ស្ម័គ្រចិត្តក្នុងមូលនិធិអស់រយៈពេលជាង ១០ឆ្នាំមកហើយ ហើយអ្នកស្រីតែងតែបរិច្ចាគដល់មូលនិធិជារឿយៗ។ ចំពោះឈ្មោះមូលនិធិដែលមានឈ្មោះ Mi Ri ពុំមានទាក់ទងនឹងអ្នកស្រី Kyeon Mi Ri បន្តិចឡើយ៕

ប្រែសម្រួល៖ សន្យា

ចុចអាន៖ Lee Seung Gi ចាយលុយជាង ១០ ម៉ឺនដុល្លារ ដើម្បីរៀបចំអាពាហ៍ពិពាហ៍

ចុចអាន៖ តារាសម្ដែងកូរ៉េ Jung Chae-yul រកឃើញស្លាប់នៅក្នុងផ្ទះ ក្នុងវ័យ ២៦ឆ្នាំ