ស្វាមីរបស់ Britney Spears បញ្ជាក់ថា មិនឈឺក្បាលពីចចាមអារ៉ាមលែងលះគ្នា

តារាសម្តែងនិងបង្ហាញម៉ូដ Sam Asghari បានបញ្ជាក់ជាថ្មីម្តងទៀតថាលោកនិងតារាចម្រៀង Britney Spears មិនមានការតូចចិត្តក៏ដូចជាឈឺក្បាលជាមួយពាក្យចចាមអារ៉ាមជាច្រើននាពេលបច្ចុប្បន្ននេះទេ ។

នាពេលថ្មីៗនេះ ទំនាក់ទំនងអាពាហ៍ពិពាហ៍របស់ Britney Spears ជាមួយស្វាមីវ័យកក្មេង Sam Asghari ត្រូវបានជាប់ពាក់ព័ន្ធជានិច្ចនៅក្នុងពាក្យចចាមអារ៉ាមអំពីការបែកគ្នា។ មានភស្តុតាងមួយដែលបានបញ្ជាក់ថា អ្នកទាំងពីរលែងលះគ្នា ដោយ Britney Spears ជាមួយប្តីរបស់នាងលែងពាក់ចិញ្ចៀនអាពាហ៍ពិពាហ៍ទៀតហើយ ។

ជាមួយគ្នាប្តីរបស់ Britney Spears បានបដិសេធពាក្យចចាមអារ៉ាមនេះ ដោយទទូចថាវាជាការយល់ខុសទាំងអស់ ដូច្នោះ Sam Asghari បានបញ្ជាក់ថា លោកគ្រាន់តែដោះចិញ្ចៀនរៀបការទៅថតរឿងប៉ុណ្ណោះ។ ដើម្បីបំបាត់រាល់ពាក្យចចាមអារ៉ាម Sam Asghari ក៏បានបង្ហោះរូបថតមួយសន្លឹកនេះ ទស្សនិកជនអាចមើលឃើញយ៉ាងងាយថា តារាប្រុសរូបនេះនៅតែពាក់ចិញ្ចៀនអាពាហ៍ពិពាហ៍របស់ខ្លួនដដែល ។

យ៉ាងណាមិញ Britney Spearsនិង Sam Asghari បានជួបគ្នានៅឆ្នាំ ២០១៦ ក្នុងឈុតវីដេអូចម្រៀង Slum ber Party របស់នាងហើយបានទាក់ទងគ្នានាតាំងពីពេលនោះមក។ នៅខែមិថុនា ឆ្នាំ ២០២២ គូស្នេហ៍នេះបានរៀបការជាផ្លូវការនិងរួមរស់ក្នុងផ្ទះរបស់ Britney Spears ក្នុងរដ្ឋកាលីហ្វ័រញ៉ា ៕

ប្រែសម្រួល៖នាងតូច

ចុចអាន៖Nick Cannon ចង់មានកូនទី ១៣ ជាមួយ Taylor Swift