ការពិត Leonardo DiCaprio គ្មានទំនាក់ទំនងស្នេហាជាមួយតារាម៉ូដែល Irina Shayk ឡើយ

ប្រភពច្បាស់លាស់បានបញ្ជាក់ប្រាប់សារព័ត៌មាន TMZ ថាលោក Leonardo DiCaprio និងតារាម៉ូដែល Irina Shayk ពិតជាគ្មានទំនាក់ទំនងស្នេហានឹងគ្នាជាដាច់ខាត ពួកគេគ្រាន់តែជាមិត្តភ័ក្ដិធម្មតាប៉ុណ្ណោះ ។

ក្នុងការប្រគំតន្ត្រី Coachella ២០២៣ កាលពីសប្ដាហ៍មុនមហាជនប្រទះឃើញអ្នកទាំងពីរស្និទ្ធស្នាលជាមួយគ្នាធ្វើឲ្យមនុស្សជាច្រើនមានការយល់ច្រឡំថាជាគូស្នេហ៍សម្ងាត់ ។ តាមពិតទៅ Leo និង Irina ស្គាល់គ្នាតាំងពីនាងនៅទាក់ទងជាមួយលោក Bradley Cooper ដែលជាមិត្តល្អរបស់លោក Leo មកម្ល៉េះ ។

ណាមួយទាំងបីនាក់ធ្លាប់ដើរលេងជុំគ្នាច្រើនដងផងដែរទើបជិតដិតបែបនេះ ចំណែកឯ Bradley និង Irina វិញថែមទាំងមានកូនស្រីអាយុ ៦ ឆ្នាំម្នាក់ជាមួយគ្នាទៀតផង នាងមានឈ្មោះថា Lea ប៉ុន្តែអ្នកទាំងពីរបានចែកផ្លូវគ្នាយ៉ាងដាច់ស្រេចកាលពីឆ្នាំ ២០១៩ ។

ទោះបីការបែកគ្នាមានរយៈពេល ៤ ឆ្នាំហើយក្ដី Irina និង Leo ដែលជាមិត្តអតីតស្វាមីនៅតែមានទំនាក់ទំនងល្អមិនខុសពីមុនដដែល ដូច្នេះ Leo គ្មានចិត្តនឹងយកនាងមកធ្វើជាគូស្នេហ៍ឡើយបើយោងតាមអ្នកដឹងរឿងច្បាស់ ៕

ប្រែសម្រួល ៖ វារី

ចុចអាន ៖ Leonardo DiCaprio លួចមានទំនាក់ទំនងស្នេហាជាមួយតារាបង្ហាញម៉ូដ Irina Shayk