ជីវិតកម្សាន្ដ

ពេជ្រ សោភា បង្ហើបគន្លឹះជីវិត ដើម្បីទទួលបានសេចក្ដីសុខផ្លូវចិត្ត

បានផុស

៣ years មុន

នៅ

ថ្ងៃអាទិត្យ ២៣ មេសា ២០២៣

ដោយ

តារាចម្រៀងអ្នកនាង ពេជ្រ សោភា រហូតមកដល់ពេលនេះមានវ័យកាន់តែជ្រេហើយ តែអ្វីដែលកត់សម្គាល់ នាងត្រូវបានមហាជនកោតសរសើររូបសម្រស់ ដោយនៅរក្សាបានភាពស្រស់ស្អាត ហើយក្មេងជាងវ័យដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញថ្មីៗនេះ តារាចម្រៀងលំដាប់កំពូលអ្នកនាង ពេជ្រ សោភា បានបង្ហោះរូបចំនួន ៣ សន្លឹក ឈរកាច់រាងនៅមាត់សមុទ្រយ៉ាងស្រឡូន ហើយស្រស់ស្អាតមិនចាញ់ក្រមុំឡើយ។

តាមរយៈរូបភាពនេះដែរ អ្នកគាំទ្រនាងជាច្រើនបានលាន់មាត់សរសើរគ្រប់គ្នាថា ពេជ្រ សោភា នៅតែរក្សាបានសាច់ឈាមស្រស់ស្អាត និងរាងស្រឡូនគួរឲ្យទាក់ទាញខ្លាំង។

បង្ហោះភ្ជាប់ជាមួយរូបភាពទាំងនោះដែរ ពេជ្រ សោភា បានសរសេរខ្លឹមសារដ៏មានអត្ថន័យថា “អ្នកត្រូវចាំថា អ្នកត្រូវហ៊ានដើរចេញពីជីវិតមនុស្សដែលមិនបានខ្វល់ពីអ្នក មិនស្រលាញ់អ្នក និងមនុស្សដែលតែងតែធ្វើឲ្យអ្នកគិតច្រើន បើអ្នកហ៊ាន អ្នកនឹងជួបអ្វីដែលថ្មី ហើយអ្នកនឹងទទួលបានការពិត”។

សូមជម្រាបដែរថា តារាចម្រៀងអ្នកនាង ពេជ្រ សោភា គិតមកដល់ពេលនេះ នាងបានចូលប្រឡូកក្នុងវិស័យសិល្បៈមានរយៈពេលយូរឆ្នាំហើយ ស្របពេលដែលប្រជាប្រិយភាព និងកេរ្តិ៍ឈ្មោះ នៅតែរក្សាបានការគាំទ្រច្រើនពីមហាជន និងមិត្តៗ យុវវ័យផងនោះ៕

អត្ថបទ ៖ ចាន់រ៉ា