អត់ខ្វល់ពាក្យចចាមអារ៉ាមបែកគ្នា Matt ទៅថតឈុតកូនក្រមុំធ្វើព្រងើយ

ទោះបីកំពុងរងពាក្យចចាមអារ៉ាមបែកបាក់គ្នាជាមួយមិត្តហាយសូរ Matt Peranee ហាក់មិនខ្ចីខ្វល់ខ្វាយនឹងចេញមុខបកស្រាយ ប៉ុន្តែទស្សនិកជនបែរជាឃើញនាងបង្ហាញខ្លួនស្លៀកឈុតកូនក្រមុំលើក្របទស្សនាវដ្តីអាពាហ៍ពិពាហ៍ដ៏ល្បីល្បាញ IDO Magazine ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីត្បិតតែមានព័ត៌មានរឿងស្នេហារញ៉េរញ៉ៃបន្តិច ប៉ុន្តែតារាសម្ដែង និងម៉ូដែល Matt Peranee មិនខ្ចីយកចិត្តទុកដាក់នោះទេ ដោយនាងបែរមកផ្ដោតលើការងារបង្ហាញម៉ូដជាមួយនឹងការថតរ៉ូបកូនក្រមុំដ៏ប្រណីតជាច្រើនឈុត ធ្វើឱ្យទស្សនិកជនងាកមកចាប់អារម្មណ៍លើរូបសម្រស់របស់នាងយ៉ាងខ្លាំង។

គ្រងសម្លៀកបំពាក់អាពាហ៍ពិពាហ៍របស់ម៉ាកយីហោល្បីនៅក្រុកថៃ Matt ពិតជាលេចធ្លោ មួយឈុតៗសុទ្ធតែស្រស់ស្អាតទាក់ទាញអ្នកគាំទ្រខាំ្លង មិនថាឈុតប្រពៃណីថៃ និងអន្តរជាតិនោះទេ សម្រស់របស់តារាស្រីរូបនេះពិតជាសក្តិសមឥតទាស់។

ក្រោយលេចមុខលើក្របទស្សនាវដ្ដីដ៏ល្បី ព័ត៌មានចចាមអារ៉ាមពី Matt ទាំងប៉ុន្មានហាក់ស្ងប់ស្ងាត់ទៅវិញ ស្របពេលដែលអ្នកគាំទ្រភាគច្រើនបែរលើកគ្នាមកសរសើរសម្រស់របស់នាងយ៉ាងព្រោងព្រាត៕

ប្រែសម្រួល៖ សន្យា

ចុចអាន៖ អ្នកគ្រប់គ្រង Matt ចេញមុខឆ្លើយតបជំនួស ក្រោយល្បីបែកបាក់ជាមួយមិត្តប្រុសហាយសូរ

ចុចអាន៖ កៀកថ្ងៃរៀបការមែនទែន Mark-Kimberly ស្រាប់តែប្រកាសលក់ផ្ទះ