អ្នកគាំទ្រប្រតិកម្មខ្លាំងៗ ក្រោយ IU មិនអាចឈ្នះពានរង្វាន់តារាស្រីឆ្នើម

អ្នកគាំទ្រតារាស្រី​ IU សម្ដែងការមិនពេញបណ្ដាញសង្គមកូរ៉េខាងត្បូង បន្ទាប់ពីតារាស្រីរូបនេះ មិនអាចក្ដោបបានតំណែងជា “តារាសម្ដែងថ្មីល្អបំផុត” នៅក្នុងកម្មវិធីប្រគល់ពានរង្វាន់ “2023 Baeksang Art Awards” ​។

ក្រោយពេល IU បង្ហាញខ្លួនលើកម្រាលព្រំក្រហម ក្នុងកម្មវិធីប្រគល់ពានរង្វាន់ “Baeksang Art Awards” ​ឆ្នាំ២០២៣ អ្នកគាំទ្ររំពឹងថា នាងមុខតែអាចទទួលបានពានរង្វាន់ “តារាសម្ដែងស្រីថ្មីល្អបំផុត” (Best New Actress) ជាក់ជាពុំខាន ប៉ុន្តែផ្ទុយទៅវិញ នាងមិនអាចឈ្នះពានណាមួយទាល់តែសោះ។ រឿងនេះបានធ្វើឱ្យហ្វេនៗរបស់ IU ផ្ទុះប្រតិកម្មមិនពេញចិត្ត ត្បិតនាងជាតារាសម្ដែងឆ្នើម តាំងពីដើមមក និងធ្លាប់ឈ្នះពានជារៀងរាល់ឆ្នាំ។

ជាក់ស្ដែងឆ្នាំនេះ តួឯកស្រីរឿង “Hotel Del Luna” រូបនេះ បានជាប់ឈ្មោះជាបេក្ខភាពតារាសម្តែងថ្មីល្អបំផុតជាមួយបេក្ខភាព ២រូបទៀត សម្រាប់តួសម្ដែងនៅក្នុងខ្សែភាពយន្ត “Broker” ប៉ុន្តែហ្វេនៗសឹងមិនជឿទាល់តែសោះថាអាយដលរបស់ខ្លួន គ្មានពានកាន់មកផ្ទះវិញបែបនេះ។ ទោះបីមិនអាចទទួលបានពានរង្វាន់ណាមួយក្ដី ប៉ុន្តែ IU បានចូលត្រេកអរជាមួយម្ចាស់ពានរង្វាន់ឆ្នាំនេះ យ៉ាងរីករាយ៕

ប្រែសម្រួល៖ ​សន្យា

ចុចអាន៖ IU ប្រកាសប្ដូរឈ្មោះ កុំឱ្យទស្សនិកជនភ័ន្តច្រឡំ

ចុចអាន៖ Park Seo Joon ធ្វើឱ្យហ្វេនលាន់មាត់សរសើរ ក្រោយបង្ហាញទង្វើជាសុភាពបុរសទៅកាន់ IU