ជីវិតកម្សាន្ដ
ម៉េង កែវពេជ្ជតា ទម្លាយចំណុចពិសេសរបស់ វណ្ណដា ក្នុងការលើកស្ទួយវប្បធម៌ខ្មែរ និងសិល្បករបុរាណ
អ្នកនាង ម៉េង កែវពេជ្ជតា ដែលជាកំពូលតារាចម្រៀងរៀមច្បងល្បីល្បាញយូរឆ្នាំមកហើយនោះ បានធ្វើការសរសើរមិនដាច់ពីមាត់ ក្រោយជួបតារាចម្រៀងរ៉េបលោក វណ្ណដា កាលពីថ្មីៗកន្លងមកនេះ។ ក្នុងនោះអ្នកនាងក៏បានទម្លាយចំណុចពិសេសរបស់ វណ្ណដា ដែលបានចូលរួមលើកស្ទួយវប្បធម៌ខ្មែរទៀតផង។
ជាការពិតលោក វណ្ណដា ត្រូវបានគេចាត់ទុកថាជាតារាចម្រៀងរ៉េបវ័យក្មេង ខណៈបច្ចុប្បន្នកំពុងសាងកេរ្តិ៍ឈ្មោះល្បីល្បាញខ្លាំងទាំងទីផ្សារក្នុង និងក្រៅស្រុក។ វណ្ណដា ក៏ជាតារាចម្រៀងខ្មែរមួយរូប បានធ្វើឲ្យប្រទេសជិតខាងជាច្រើនស្គាល់ពីតម្លៃ នៃសិល្បៈនៅកម្ពុជា ព្រោះលោកតែងនាំយកវប្បធម៌ អរិយធម៌ខ្មែរ ទៅបង្ហាញនៅលើឆាកអន្តរជាតិឲ្យពិភពលោកបានដឹង និងទទួលស្គាល់។
សម្រាប់តារាចម្រៀងសំនៀងក្រអួនក្រអៅ ម៉េង កែវពេជ្ជតា បានបញ្ចេញរូបថតមួយសន្លឹកជាមួយ វណ្ណដា ដោយបង្ហាញអារម្មណ៍ថា «វណ្ណដា (Vann Da) ជាតារាចម្រៀងយុវវ័យល្បីខ្លាំងផ្នែក Rap។ ក្រៅពីមានទេពកោសល្យល្អផ្ដាច់ហើយ គាត់នៅមានអត្តចរិតថ្លៃថ្នូរ ចេះដាក់ខ្លួន មិនឆ្មើង មិនរើសអើង មិនក្រអឺតក្រទមទេ»។
តារាចម្រៀងរៀមច្បង អ្នកនាង ម៉េង កែវពេជ្ជតា បានបញ្ជាក់ដោយសង្កត់ធ្ងន់ទៀតថា «ចំណុចសំខាន់មួយទៀត គឺគាត់ចេះនឹកឃើញលើកស្ទួយវប្បធម៌ខ្មែរ និងសិល្បករបុរាណចាស់ៗទាំងនេះ គ្រប់គ្រាន់ឲ្យខ្ញុំ និងអ្នកផ្សេងសរសើរបានហើយ»។ ការលើកឡើងរបស់អ្នកនាង ម៉េង កែវពេជ្ជតា នេះ បានធ្វើឲ្យមានការបញ្ចេញមតិជាច្រើន ដោយការគាំទ្រ និងសរសើរដូចៗគ្នា ទៅលើចរិត និងទេពកោសល្យរបស់តារាវ័យក្មេងលោក វណ្ណដា។
តារាចម្រៀងរ៉េប វណ្ណដា នាពេលបច្ចុប្បន្នត្រូវបានគេកត់សម្គាល់ថា លោកមិនត្រឹមតែមានសមត្ថភាពធ្វើបទ Original Song នោះទេ ថែមទាំងមានទីផ្សារគាំទ្រខ្ពស់មិនចាញ់តារារួមជំនាន់ឯទៀតឡើយ។ វណ្ណដា ក៏ជាតារាចម្រៀងខ្មែរមួយរូបដែលបានធ្វើឲ្យប្រទេសជិតខាងបានស្គាល់ពីឧស្សាហកម្មតន្ត្រីនៅកម្ពុជា ក្នុងយុគសម័យកាលថ្មី ព្រោះលោកតែងតែនាំយកវប្បធម៌ អរិយធម៌ខ្មែរ ទៅបង្ហាញនៅលើឆាកអន្តរជាតិឲ្យពិភពលោកបានដឹង និងទទួលស្គាល់ជាបន្តបន្ទាប់៕
អត្ថបទ ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ