ជីវិតកម្សាន្ដ

ពេជ្រ វត្តីសារ៉ាវឌ្ឍី យំអាណិតទាហានប្រឹងហាត់សមក្រោមពន្លឺថ្ងៃក្ដៅដើម្បីជាតិ

បានផុស

៣ years មុន

នៅ

ថ្ងៃអង្គារ ៩ ឧសភា ២០២៣

ដោយ

ម្ចាស់មកុដ Miss Grand Cambodia ២០២២ កញ្ញា ពេជ្រ វត្តីសារ៉ាវឌ្ឍី បានធ្វើឲ្យមហាជន និងអ្នកគាំទ្រភ្ញាក់ផ្អើលគ្រប់គ្នា បន្ទាប់ពីឃើញបវរកញ្ញារូបនេះអង្គុយឡាយសម្រក់ទឹកភ្នែកសស្រាក់ ដោយអាណិតដល់ទាហានដែលខំប្រឹងហាត់សមក្រោមពន្លឺថ្ងៃក្តៅ ហើយដេកក្នុងតង់រាប់ខែដើម្បីជាតិ។

ការលើកឡើងរបស់កញ្ញា ពេជ្រ វត្តីសារ៉ាវឌ្ឍី នេះស្របពេលនាងបានឃើញក្រុមបងៗ ទាហានដែលបានខំប្រឹងក្នុងការហាត់សមមានរយៈពេលរាប់ខែ ដើម្បីប្រទេសជាតិ អំឡុងប្រទេសកម្ពុជាជាម្ចាស់ផ្ទះ នៃព្រឹត្តិការណ៍បើកកីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ កាលពីយប់ថ្ងៃ ទី ០៥ ខែឧសភា ឆ្នាំ ២០២៣។

ជាការពិតណាស់សម្រាប់កម្មវិធីបើកព្រឹត្តិការណ៍កីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ បានប្រព្រឹត្តិទៅយ៉ាងរលូន និងអស្ចារ្យបំផុតជាមួយការបង្ហាញផ្ទាំងទស្សនីយភាព ព្រមទាំងការសម្តែងដ៏កក្រើកបំផុតពីសំណាក់តារាចម្រៀងល្បីៗប្រចាំប្រទេស ដើម្បីអបអរព្រឹត្តិការណ៍ដ៏អស្ចារ្យនេះ ដែលរៀបចំឡើងនៅព្រះរាជាណាចក្រកម្ពុជា។

កញ្ញា វត្តីសារ៉ាវឌ្ឍី បានបញ្ជាក់ថា ពេលដែលនាងបានជួបពួកគាត់ដោយផ្ទាត់ គឺពិតមានការអាណិតណាស់ ព្រោះត្រូវងើបពីព្រឹកដើម្បីហាត់សមដោយប្រើពេលរហូតដល់ ៣ ឬ ៤ ខែឯណោះ ដើម្បីឲ្យមានភាពល្អប្រសើរ។ វត្តី បន្ថែមថា «សួរទៅផេកខ្លះដែលពូកែខាងជេរ ឬរិះគន់,សួរថាដែលមើលឃើញពីការខិតខំប្រឹងប្រែងរបស់ពួកគាត់ទេ ដែលសរសើរពួកគាត់ទេ ដែលជូនពរ និងលើកទឹកចិត្តទេ»៕

អត្ថបទ ៖ ចាន់រ៉ា

សូមទស្សនាវីដេអូខាងក្រោម ៖