តារាអន្តរជាតិ ៨ គូ ជាមិត្តភ័ក្ដិនឹងគ្នាតាំងពីនៅរៀនវិទ្យាល័យ

មុនក្លាយជាបុគ្គលល្បី តារាទាំង ១៦ នាក់ខាងក្រោមបានក្លាយជាមិត្តល្អនឹងគ្នារួចទៅហើយ តាំងពីនៅរៀនវិទ្យាល័យឯណោះ ។ មកដឹងថាតារាអន្តរជាតិណាខ្លះជាមិត្តយិនស៊ិននឹងគ្នា ៖

១. Matt Damon និង Ben Affleck

ពួកគេក្លាយជាមិត្តនឹងគ្នាកាលពី Matt អាយុ ១០ ឆ្នាំ ហើយ Ben អាយុ ៨ ឆ្នាំ ថែមទាំងរៀននៅវិទ្យាល័យ “Cambridge Rindge and Latin” ជាមួយគ្នាទៀតផង ។

២. Jay- Z និង Busta Rhymes

Jay- Z និង Busta Rhymes ជាអតីតសិស្សវិទ្យាល័យ Eli Whitney ពួកគេធ្លាប់នាំគ្នាប្រកួតរ៉េបក្នុងម៉ោងអាហារថ្ងៃត្រង់ដែល Jay-Z ជាអ្នកឈ្នះ ។

៣. Naomi Watts និង Nicole Kidman

ទាំងពីរនាក់ធ្លាប់រៀននៅវិទ្យាល័យ “North Sydney Girls High School” ដែលទីនោះគេអនុញ្ញាតឲ្យតែស្រីៗរៀនប៉ុណ្ណោះ ។ លើសពីនេះ Naomi ក៏បានមានទំនាក់ទំនងក្មេងខ្ចីជាមួយបងប្រុស Nicole ផងដែរ ។

៤. Tupac Shakur និង Jada Pinkett-Smith

Jada និង Tupac ក្លាយជាមិត្តល្អពេលដែលពួកគេបានទៅរៀននៅ “Baltimore School for the Arts” ជាមួយគ្នា ។

៥. Adam Levine និង Jonah Hill

កាលពី Adam និង Jonah នៅរៀនវិទ្យាល័យ Brentwood ពួកគេឧស្សាហ៍ជិះឡានច្រៀងលេងជាមួយគ្នា និងគេងផ្ទះគ្នាទៅវិញទៅមកពេលចុងសប្ដាហ៍ ។

៦. Eddie Redmayne និង Tom Hiddleston

Eddie និង Tom ជាមិត្តល្អនឹងគ្នាយូរមកហើយ អ្នកទាំងពីរធ្លាប់រៀននៅសាលា Eton និង Cambridge ដូចគ្នា ប៉ុន្តែមិនមែនរៀនថ្នាក់តែមួយឡើយព្រោះ Tom ចាស់ជាង Eddie មួយឆ្នាំ ។

៧. Zendaya និង Gabby Douglas

ក្នុងឆ្នាំ ២០១៥ Zendaya និង Gabby បានរៀនថ្នាក់ជាមួយគ្នានៅសាលាឯករាជ្យ Oak Park ។

៨. Snoop Dogg និង Cameron Diaz

Snoop Dogg រៀនថ្នាក់លើ Cameron មួយឆ្នាំនៅវិទ្យាល័យពហុបច្ចេកទេស Long Beach អ្វីដែលកាន់តែគួរឲ្យចងចាំគឺនាងធ្លាប់ទិញកញ្ឆាពី Snoop ៕

ប្រែសម្រួល ៖ វារី