លេចមុខតួអាម៉ាប់បង្ហាញខ្លួនលាមិត្តចាស់ Richard Ng ក្រោយល្បីថា លោកស្រក់ទម្ងន់ខ្លាំង

Sammo Hun ដែល​ទស្សនិកជន​តែងហៅលោកថា អាម៉ាប់ បានបង្ហាញវត្តមានទួលទានអាហារ​ពេលល្ងាច​ជុំគ្រួសារបីជំនាន់ និងចូលរួមរំលែកទុក្ខដៃគូចាស់ Richard Ng ដោយពេលនោះគេឃើញតារាប្រុសជើងចាស់រូបនេះ ហាក់​មាំទាំ​ជាងមុន​បន្ទាប់ពី​ល្បី​ថា​លោក​ស្រក​ទម្ងន់​ខ្លាំង។

ស្ថិត​ក្នុងវ័យ ៧១ ឆ្នាំ តារាប្រុសស Sammo Hun បានបង្ហាញខ្លួននៅឯ Hung Hom World Funeral Parlor រយៈពេល​ពីរ​ថ្ងៃ​ដើម្បីលា​មិត្ត​ចាស់Richard Ng លើកចុងក្រោយ ដោយឃើញ​ប្រពន្ធរបស់ Richard Ng ឱបលោកបង្ហាញក្ដីឈឺចាប់ដែលបាត់បងស្វាមីដ៏ល្អ។

យ៉ាងណាមិញ​ ទោះបីជា​មិត្តល្អបំផុតរបស់គាត់បានលាចាកលោកក៏ដោយ Sammo Hung មើលទៅមានសភាពធូរស្បើយច្រើនជាងមុន ខណៈកាលពីមុនមានព័ត៌មាន​ថា​លោកស្រក់​ទម្ងន់​និងមាន​រាងកាយ​ទ្រុឌទ្រោម​ជាង​មុនឆ្ងាយ។ នៅក្នុងពិធីបុណ្យកូនប្រុសរបស់គាត់ឈ្មោះ Hong Tianming បានបង្ហោះវីដេអូបីជំនាន់ដែលរស់នៅក្រោមដំបូលផ្ទះតែមួយ។ ក្នុងវីដេអូនោះបង្ហាញឲ្យឃើញតួអាម៉ាប់ និងក្រុមគ្រួសាររបស់គាត់កំពុងញ៉ាំអាហារ​នៅក្នុងភោជនីយដ្ឋានមួយ ក្រោយមកពីធីបុណ្យ ហើយលោកកំពុងអង្គុយយ៉ាងស្រួលនៅលើកៅអី ស្របពេលដែលចៅប្រុស Hong Jing ឈរនៅពីក្រោយដោយ ធ្វើសកម្មភាពម៉ាស្សាឲ្យជីតា។

អ្នកនិយមលេងអ៊ីនធឺណិតបានសរសើរ Sammo Hung ថា លោកហាក់​សប្បាយចិត្តខ្លាំង ហើយថែមទាំង​សរសើរ Tianming Hung ដែលបានបង្រៀនកូនរបស់គាត់​បាន​យ៉ាង​ល្អ។លើសពីនេះ Sammo Hung ត្បិតថាលោកស្រក់គីឡូនិងមានរូបរាងចាស់ជាងមុន ប៉ុន្តែមើលតាមទឹកមុខបង្ហាញថាតារាប្រុសជើងចាស់រូបនេះសប្បាយ​រីករាយ​ក្នុង​ក្រុម​គ្រួសារនិងមានសុខភាពល្អផងដែរ៕

ប្រែសម្រួល៖ សាង ស្រីល័ក្ខ

ចុចអាន៖តួ ទិនហ្វី ពោលពាក្យសោកស្ដាយខ្លាំង ដែលមិនបានផ្សះផ្សាជម្លោះ មុន Man Tat ​មរណភាព