៣ ឈុតរបស់ Chompoo Araya ក្នុងកម្មវិធី Cannes សុទ្ធតែទទួលការសរសើរថាលេចធ្លោ

បន្ទាប់ពីមហោស្រពភាពយន្តអន្តរជាតិ Cannes បញ្ចប់ដោយជោគជ័យ ជាការពិតណាស់មហាជនជាច្រើនសុទ្ធតែដឹងថា តារាសម្ដែង Chompoo Araya បានទៅទឹកដីបារាំង៣ថ្ងៃ ខណៈ៣ឈុតដែលនាង​បង្ហាញ​ទទួល​ការ​សរសើរថា​លេចធ្លោ​ខ្លាំង។

យ៉ាងណាមិញបើទោះបីជាកម្មវិធីមហោស្រពភាពយន្តលំដាប់ពិភពលោក Cannes លើកទី ៧៦ នៅប្រទេសបារាំងចប់ជាស្ថាពរ។ ប៉ុន្តែទស្សនិកជននៅតែស្ងើចសរសើរដល់រៀមច្បង Chompoo នៅពេលដែលនាងជ្រើសសំលៀកបំពាកមកស្លៀក មិនដែលធ្វើឲ្យហ្វេនខកចិត្តម្ដងណាឡើយ។

ចាប់ផ្តើម​ជាមួយឈុតក្នុងថ្ងៃដំបូង Chompoo បានជ្រើសរើស​សំលៀកបំពាក់​ពីម៉ាក Jean Paul Gaultier Couture Spring/Summer 2022 ដោយ Glenn Martens ជាមួយនឹង​គ្រឿងអលង្ការ​លំដាប់​ភិភពលោក។

ចំណែកឯឈុតទី ២ នេះមានទំងន់ធ្ងន់មិនចាញ់ឈុតទីមួយដែរ ស្របពេលដែលនាង​ជ្រើស​រើស​រ៉ូប​គ្មាន​ខ្សែ តុបតែង​ដោយ​គ្រីស្តាល់​ រចនា​ដោយ​អ្នក​រចនាជនជាតិ​លីបង់ Nicolas Jebran ។

ចំណែករ៉ូបទីបីគឺមកពីម៉ាក Jean Paul Gaultier Spring Couture 2022 និងគ្រឿងអលង្ការ Serpenti ពី Bvlgari ដូចគ្នាផងដែរ។

ទោះយ៉ាងណាក៏ដោយ ត្បិតថាខកខានក្នុងកម្មវិធី​លំដាប់​អន្តរជាតិ​អស់ពេលដ៏យូរក្ដី ប៉ុន្តែលើកនេះ Chompoo មិនបានធ្វើឲ្យអ្នកគាំទ្ររបស់នាងខកចិត្តឡើយ​ ខណៈ​នាងជ្រើស​ស្លៀក​រ៉ូប​សុទ្ធតែ​ធ្ងន់​ៗបំផុត​លើ​រាងកាយ រហូតធ្វើឲ្យមនុស្សជាច្រើនមានការងៀយឆ្ងល់ថាអ្នកម្ដាយកូនបីអាចទ្របានឬទេ៕

ប្រែសម្រួល៖ សាង ស្រីល័ក្ខ

ចុចអាន៖បង្ហាញខ្លួនក្នុងកម្មវិធី Cannes តារាសម្ដែង​Chompoo​ មិនធ្វើឲ្យទស្សនិកជនខកចិត្តទេ

ចុចអាន៖តារា ៤ ដួង លេចធ្លោជាងគេ ក្រោយស្លៀកឈុតស្រដៀងគ្នាដើរលើកម្រាលព្រំ Cannes