ជីវិតកម្សាន្ដ
អ៊ិន លក្ខិណា ប្ដេជ្ញាខំប្រឹងអស់ពីសមត្ថភាពក្នុងការប្រកួត Miss Grand 2023
មហាជនបានដឹងហើយថា កញ្ញា អ៊ិន លក្ខិណា គឺជាអតីតកញ្ញាឯកលំដាប់រងទី ១ កញ្ញាឯកដ៏អស្ចារ្យ នៃកម្ពុជា ឆ្នាំ ២០២១ (Miss Grand Cambodia 2021) និងជាម្ចាស់មកុដ Miss Supranational Cambodia 2022 ដែលទទួលបានការគាំទ្រច្រើនពីអ្នកគាំទ្រនាពេលកន្លងមក។
ដោយឡែកថ្មីៗនេះ បវរកញ្ញាសម្បុរស្រអែមស្រស់ អ៊ិន លក្ខិណា ក៏ជាបេក្ខភាពដែលកំពុងចូលរួមប្រកួតប្រជែងកម្មវិធី Miss Grand Cambodia 2023។ ខណៈមុននេះ លក្ខិណា ទើបតែបង្ហាញខ្លួនក្នុងកម្មវិធីបំពាក់ឆៀងកញ្ញាឯកដ៏អស្ចារ្យ នៃកម្ពុជា ឆ្នាំ ២០២៣ ដោយនាងទទួលបន្ទុកតំណាងឲ្យខេត្តប៉ៃលិន។
បេក្ខភាពត្រៀមដណ្ដើមមកុដ Miss Grand Cambodia 2023 កញ្ញា អ៊ិន លក្ខិណា បានថ្លែងដោយការប្ដេជ្ញាខំប្រឹងឲ្យអស់ពីសមត្ថភាពក្នុងការប្រកួត Miss Grand2023។ កញ្ញា អ៊ិន លក្ខិណា បាននិយាយ ថា «ជម្រាបសួរពុកម៉ែបងប្អូនទាំងអស់គ្នា នាងខ្ញុំ អ៊ិន លក្ខិណា បានទទួលតំណាងឲ្យខេត្តប៉ៃលិន នៃប្រទេសកម្ពុជា នាងខ្ញុំ សន្យាថា នាងខ្ញុំ នឹងខិតខំប្រឹងប្រែងអស់ពីសមត្ថភាពក្នុងការប្រកួតកម្មវិធីMiss Grand Cambodia»។
ជាការកត់សម្គាល់គ្រាន់តែឮដំណឹងខាងលើនេះភ្លាម មានហ្វេនៗគាំទ្រនាងមួយចំនួនសម្ដែងការអបអរ និងលើកទឹកចិត្តកញ្ញា អ៊ិន លក្ខិណា។ លើសពីនេះ បវរកញ្ញាសម្បុរស្រអែមបែបខ្មែរអង្គររូបនេះ មិនត្រឹមមានហ្វេនក្នុងស្រុកប៉ុណ្ណោះទេ នាងថែមទាំងមានហ្វេននៅក្រៅប្រទេសតាមគាំទ្រទៀតផង។
បច្ចុប្បន្ន កញ្ញា អ៊ិន លក្ខិណា ជាបេក្ខភាពម្នាក់កំពុងលេចធ្លោក្នុងការប្រកួត Miss Grand Cambodia 2023 ក្នុងចំណោមបេក្ខភាពចំនួន ២៥ រូប។ យ៉ាងណា គេនៅមិនទាន់ដឹងទេថា Miss Grand តំណាងខេត្តប៉ៃលិនរូបនេះ អាចយកឈ្នះបេក្ខភាពផ្សេងៗបានឬអត់នោះទេ ព្រោះគេសង្កេតឃើញថា បេក្ខភាពប្រកួតឆ្នាំនេះសុទ្ធតែមានសមត្ថភាព និងភាពខ្លាំងរៀងៗខ្លួន៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ