ជីវិតកម្សាន្ដ

ក្រោយលែងលះជាមួយ Angelababy តារាប្រុស Huang Xiaoming មានមិត្តស្រីថ្មីការពារលើសមុន

បានផុស

៣ years មុន

នៅ

ថ្ងៃសៅរ៍ ៣ មិថុនា ២០២៣

ដោយ

បន្ទាប់ពីលែងលះជាមួយអតីតភរិយានាង Angelababy តារាសម្ដែងនិងចម្រៀង Huang Xiaoming ត្រូវប្រព័ន្ធផ្សព្វផ្សាយចិនលួចចាប់បានហើយចុះផ្សាយពីរូបថតរបស់លោកនិងមនុស្សស្រីដែលត្រូវគេជឿថា ជាស្រីស្នេហ៍ថ្មីកាលពីថ្ងៃទី ០២ ខែមិថុនា។

យោងតាមសារព័ត៌មានបានចុះផ្សាយថា គូស្នេហ៍មួយគូនេះកំពុងរស់នៅក្រោមដំបូលជាមួយគ្នា។ ក្រោយមកនៅលើអ៊ីនធើណេតបានទម្លាយពីទំនាក់ទំនងរបស់ពួកគេ ហើយបានបង្ហើបថា នេះគឺជាស្នេហាថ្មីរបស់តារាសម្ដែងប្រុស Huang Xiaoming។

យោងតាមរូបភាព តារាប្រុសរូបនេះបានណាត់ជួបនារីម្នាក់ដែលគេស្គាល់ថានាងគឺជាតារាសម្ដែង Zhao Shijin ដែលមានកម្ពស់ត្រឹមតែស្មារបស់ Huang Xiaoming ប៉ុណ្ណោះ។ អតីតស្វាមី Angelababy ក៏មានការគិតគូរនៅចំពោះមុខមិត្តស្រីថ្មីរបស់លោកជាខ្លាំង និងបារម្ភលើសមុន ដោយលោកតែងជួយមិត្តស្រីចូលទៅក្នុងឡានជាមុន។ បន្ទាប់មកទើបរូបលោកចូលរថយន្តហើយបើករថយន្តចេញទៅ។ នៅពេលដែលមិត្តស្រីរបស់គាត់ឡើងជណ្តើរ គាត់ក៏ជួយនាងបាំងសំពត់ពីក្រោយដើម្បីការពារនាងខ្លាំងផងដែរ។

ទោះយ៉ាងណាក៏ដោយ អ្នកនិយមលេងអ៊ីនធឺណិតមិនភ្ញាក់ផ្អើលចំពោះទំនាក់ទំនងថ្មីរបស់ Huang Xiaoming នោះទេ។ ពីព្រោះលោកបានលែងលះជាមួយ Angelababy យូរណាស់មកហើយ ហើយវាជារឿងធម្មតាទេដែលលោកមានមិត្តស្រីថ្មីនោះ៕