Nadech សុំ Yaya រៀបការយ៉ាងរ៉ូមែនទិក នៅអ៊ីតាលី

គូស្នេហ៍ Nadech Kugimiya និង Yaya Urassaya ជាគូស្នេហ៍ដែលទស្សនិកជនស្រឡាញ់ចូលចិត្តខ្លាំងបំផុត ជាពិសេសគូស្នេហ៍នេះតែងត្រូវបានអ្នកគាំទ្រជម្រុញឱ្យឆាប់ចាប់ដៃគ្នាចូលរោងការ ក្រោយពេល Mark Prin បានសុំ Kimberly រៀបការកាលពីឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលនេះអ្វីដែលអ្នកគាំទ្រតែងទន្ទឹងរង់ចាំបានក្លាយជាការពិតហើយ ដោយកាលពីព្រឹកថ្ងៃទី៥ ខែមិថុនា ឆ្នាំ២០២៣ តារាប្រុស Nadech បានសុំមិត្តស្រី Yaya រៀបការ នៅឯប្រទេសអ៊ីតាលីយ៉ាងរ៉ូមែនទិក ក្រោយស្រឡាញ់គ្នា ១២ឆ្នាំ។

តាមរយៈរូបភាពដែលចែកចាយលើបណ្ដាញសង្គម Nadech-Yaya បានបង្ហោះរូបថើបគ្នាយ៉ាងផ្អែមល្ហែម ជាមួយនឹងចិញ្ចៀនពេជ្រសុំរៀបការផងដែរ។ ក្នុងនោះ Yaya បានភ្ជាប់នូវសំណេរដ៏មានន័យ​របស់ Nadech ពីលើរូប​សំណើ​​រៀប​ការ​ថា “យើងបានសម្រេចចិត្តកាន់ដៃគ្នាជារៀងរហូត។ ខ្ញុំជាបុរសដែលមានសុភមង្គលបំផុត ព្រោះខ្ញុំសំណាងជាងគេ ដែលមាននារីម្នាក់នេះចូលក្នុងជីវិត។ វិថីថ្មីចាប់ផ្តើមហើយ ហើយ​ខ្ញុំពិតជា​រំភើប​ខ្លាំងណស់។ អូនជាដួងព្រលឹង ជាសំណើច ជាទឹកភ្នែក និងជាខ្យល់ដង្ហើមរបស់បង។ អរគុណ​អូនដែល​បាន​យល់ព្រមនឹងបង” ។

បន្ទាប់ពីឃើញរូបភាព និងសារដ៏ផ្អែមល្ហែមនេះ អ្នកគាំទ្របានចូលរួមអបរអរសាទរយ៉ាងច្រើនកុះករ និងនាំគ្នាខមមិនទាំងរំភើបជាមួយអនាគតកូនកម្លោះ-ក្រមុំថា ទីបំផុតពួកគេបានឃើញឈុតរៀបការរបស់ Nadech-Yaya ហើយ៕

ប្រែសម្រួល៖ សន្យា

ចុចអាន៖ បញ្ចាំងភាគដំបូង ខ្សែភាពយន្តរបស់ Jennie ទទួលមតិមិនពេញចិត្តលើឈុតអាសអាភាស

ចុចអាន៖ ឈុតពណ៌ទឹកក្រូចរបស់ ម៉ៃ ដាវីកា ធ្វើឱ្យអ្នកពូកែស្អប់នាង លែងហ៊ានរិះគន់