ជីវិតកម្សាន្ដ

ជី ដេវីត ត្រៀមខ្លួនបង្ហាញទស្សនីយភាពបទ«មហានគរ» ក្នុងជំនួបបាល់ទាត់កម្ពុជា-បង់ក្លាដេស

បានផុស

៣ ខែ មុន

នៅ

ថ្ងៃពុធ ៧ មិថុនា ២០២៣

ដោយ

ប្រាកដណាស់អ្នកគាំទ្រ និងនិយមតាមដានវិស័យកីឡាបាល់ទាត់នៅកម្ពុជា បាននិងកំពុងរង់ចាំការមកដល់ នៃការប្រកួតបាល់ទាត់មិត្តភាពរវាងក្រុមជម្រើសជាតិកម្ពុជា ប៉ះជាមួយក្រុមជម្រើសជាតិបង់ក្លាដេស នៅលើវាលស្មៅដ៏ខៀវខ្ចី នាថ្ងៃទី ១៥ ខែមិថុនា ឆ្នាំ ២០២៣ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការប្រកួតបាល់ទាត់មិត្តភាពរវាងម្ចាស់ផ្ទះកម្ពុជា និងបង់ក្លាដេស នឹងធ្វើឡើងនៅពហុកីឡដ្ឋានជាតិអូឡាំពិក ចាប់ពីវេលាម៉ោង ១៩ និង ០០ នាទីយប់ តទៅ។ អ្វីដែលធ្វើឲ្យអ្នកគាំទ្ររឹតតែរំភើបនោះ ក៏មានការសម្ដែងនូវផ្ទាំងទស្សនីយភាពបទចម្រៀងពីតារាចម្រៀងរ៉េបលោក ងួន ចាន់ដេវីដ ហៅ ជី ដេវីត ផងដែរ។

ជាការពិតតារាចម្រៀង ជី ដេវីត នឹងបង្ហាញវត្តមានតាមរយៈផ្ទាំងទស្សនីយភាពបទ «មហានគរ» ក្នុងជំនួបមិត្តភាព នៃការប្រកួតបាល់ទាត់កម្ពុជា ប៉ះជាមួយបង់ក្លាដេស នាពេលខាងមុខ ហើយជាពេលវេលាដែលអ្នកគាំទ្រចង់ឃើញ និងទស្សនាជាខ្លាំង បន្ទាប់ពីបទនេះត្រូវបានបញ្ចេញផ្សព្វផ្សាយល្បីល្បាញនៅលើបណ្ដាញសង្គមហ្វេសប៊ុក។

ក្នុងនោះក៏មានការបញ្ចេញមតិអបអរ ដេវីត ដែរថា «បងចូលរួមអបអរសាទរប្អូនសម្លាញ់ ជូនពរឲ្យទទួលបានជោគជ័យ និងទទួលបាននូវការស្រលាញ់គាំទ្រខ្ពស់ពីបងប្អូនមិត្តអ្នកគាំទ្រហ្វេនៗ និងមហាជន។ សូមឲ្យមានព្រឹត្តិការអស្ចារ្យកើតឡើងមកលើប្អូនសម្លាញ់ ព្រមទាំងកូនខ្មែរទាំងអស់។ ឯខ្លះទៀតនិយាយថា មិនដឹងកក្រើកយ៉ាងណាទេលើកនេះ»។

សូមបញ្ជាក់ដែរថា តារាចម្រៀងរ៉េបលោក ងួន ចាន់ដេវីត ហៅ G-Devith គេសង្កេតឃើញថា សម្រាប់ទីផ្សារសិល្បៈរបស់លោកបច្ចុប្បន្ននៅតែមានសន្ទុះទីផ្សារគាំទ្រច្រើនមិនចាញ់តារារួមជំនាន់ឯទៀតឡើយ។ ម្យ៉ាងទៀត លោកបានបញ្ចេញស្នាដៃបទចម្រៀងថ្មីៗ ជាបន្តបន្ទាប់ ដើម្បីប្រជែងទីផ្សារសិល្បៈបច្ចុប្បន្ន៕

អត្ថបទ ៖ ចាន់រ៉ា