ទស្សនិកជនរិះគន់ The Weeknd ក្រោយប្រើសម្ដីឈ្លើយក្នុងរឿង “The Idol”

ទស្សនិកជនតាមកញ្ចក់ទូរទស្សន៍រិះគន់តារាចម្រៀងនិងសម្តែង The Weeknd ចំពោះឈុតឆាកមួយដែលលោកប្រើពាក្យសម្តីឈ្លើយ និងបានចាក់ផ្សាយក្នុងខ្សែភាពយន្ត “The Idol” របស់ទូរទស្សន៍ HBO កាលពីយប់ថ្ងៃអាទិត្យ ។

ក្នុងឈុតនៃខ្សែភាពយន្តបានបង្ហាញថា The Weeknd និយាយពាក្យឈ្លើយយ៉ាងខ្លាំងទៅកាន់នារីម្នាក់។ ឈុតដ៏ចម្រូងចម្រាសនេះត្រូវបានគេវាយតម្លៃជាខ្សែភាពយន្តដែលមានអំពើហិង្សា និងភាសាប្រមាថឬសកម្មភាពផ្លូវភេទ។ ពីមុនខ្សែភាពយន្តនេះត្រូវគេប្រៀបប្រដូចថាជារឿងអាសអាភាស ដែលប្រឈមនឹងការរិះគន់ជាច្រើននៅពេលដែលមានឈុតអំពើហិង្សា និងសកម្មភាពអាសអាភាសជាច្រើន ក៏ដូចជាភាពភ័យរន្ធត់នេះត្រូវបានចាក់ផ្សាយ។

ជាមួយគ្នានោះក៏មានអ្នកទស្សនាម្នាក់បានបញ្ចេញមាតិរិះគន់ថា”ខ្ញុំនឹងមិនមើល The Weeknd បែបនេះទៀតទេបន្ទាប់ពីរឿង The Idol” ខណៈអ្នកមើលម្នាក់ទៀតសម្តែងការមិនពេញចិត្តថាចែករំលែកថា “ខ្ញុំមិនបានរំពឹងថា The Weeknd នឹងទទួលការសម្តែងបែបនេះទេ”។

យ៉ាងណាមិញ រឿង​”The Idol” បានចូលរួមសម្តែងដោយ The Weeknd និងLily-Rose Depp ក៏ដូចជាលោក Sam Levinson ជាអ្នកផលិតផល។ ទន្ទឹងនឹងនោះ ចាប់តាំងពីខ្សែភាពយន្តនេះបានបញ្ចាំងជាលើកដំបូងនៅមហោស្រពភាពយន្ត Cannes ទោះបីជាត្រូវបានរិះគន់រឿងអាសអាភាសដែលបានបង្ហាញផ្នែករាងកាយតួរស្រីច្រើនពេក ៕

ប្រែសម្រួល៖នាងតូច

ចុចអាន៖មហាជនភ្ញាក់ផ្អើលនឹងសម្រស់មិនចាស់របស់តារាសម្តែង Choi Ji Woo ក្នុងវ័យ ៤៩ឆ្នាំ