តារាស្រីកូរ៉េល្បី ៦ ដួង សុទ្ធតែធ្លាប់ទទួលរហស្សនាម ជាទេពធីតាសម្រស់លើសគេក្នុងសាលា

Queencards និង Kingcards ត្រូវបានគេចាត់ទុកថាជាពាក្យពេញនិយមពីរដែលប្រើសម្រាប់សំដៅលើមុខនិងឈ្មោះតួអង្គដ៏ល្បីល្បាញ មានឥទ្ធិពលនៅក្នុងសហគមន៍សាលារៀននៅក្នុងទឹកដីនៃ Kimchi នៃ​ប្រទេសកូរ៉េខាងត្បូង។

យ៉ាងណាមិញ តារាកូរ៉េស្រីៗ៦ដួងខាងក្រោមនេះធ្លាប់កាន់បល្ល័ង្កទេពធីតាមានសម្រស់ស្រស់ស្អាតលើសគេ ពេលកំពុង​អង្គុយរៀន​ក្នុងថ្នាក់របស់ពួកគេ។

១ Kim Tae Hee

វាមិនគួរឲ្យភ្ញាក់ផ្អើលទេដែល​រាជិនី​សម្រស់​នៃឧស្សាហកម្មកម្សាន្តអាស៊ី Kim Tae Hee ស្ថិតនៅក្នុងបញ្ជីនៃ​សាលា Queencards ដ៏ពេញនិយម។ ដូច្នោះហើយនិស្សិតស្រី Kim បានធ្វើឲ្យគ្រប់គ្នាចាប់អារម្មណ៍ សូម្បីតែសិស្សជាច្រើននាក់ក៏បាន ចុះឈ្មោះចូលរៀនមុខវិជ្ជាបន្ថែម ដើម្បីមានឱកាសសរសើរសម្រស់របស់នាង។ នាងមិនត្រឹមតែល្បីល្បាញដោយសារតែសម្រស់​និងរូបរាងទន់ភ្លន់​ប៉ុណ្ណោះទេ ប៉ុន្តែថែមទាំងធ្វើឲ្យសិស្សក្នុងសាលា​កោតសរសើរ​ជាមួយនឹងពិន្ទុគួរឲ្យ​គោរពផងដែរ។ គេ​ដឹង​ថា ភរិយា​របស់ Rain តែង​តែ​ទទួល​បាន​លទ្ធផល​ជា​សិស្ស​ពូកែ​ច្រើន​ឆ្នាំ​មក​ហើយ។

២ Son Ye Jin

សម្រស់របស់តួឯកស្រីក្នុងរឿង “Crash Landing on You” ធ្លាប់បានបង្កើតភាព​ក្តៅគគុក​នៅលើ​អ៊ីនធឺណិត។ ទោះ​បី​ជា​មិន​មាន​ការ​គាំទ្រ​​ពី​ផលិត​ផល​គ្រឿង​សម្អាង​ក៏​ដោយ ស្បែក​របស់​និស្សិត​ស្រី​ Son នៅ​តែ​មាន​ភាព​ស្រស់​ស្អាត និង​ពោរពេញ​ដោយ​ភាព​រស់​រវើក។ ក្រៅ​ពី​សម្រស់ស្អាត អ្នកគាំទ្រ​ជាច្រើន​ភ្ញាក់ផ្អើល​នៅពេលដែល​ទម្រង់មុខ​របស់​តារា​ស្រី​រូបនេះ​នៅ​ដដែល​ប៉ុន្មាន​ឆ្នាំ​មកនេះ​។ គេ​អាច​មើល​ឃើញ​ថា ពេល​ឈរ​ក្បែរ​មិត្តភ័ក្ដិ​ក្នុង​វ័យ​ដូច​គ្នា ទិដ្ឋភាព​របស់​តារាស្រីកើត​ឆ្នាំ ១៩៨២ គឺ​ទាក់​ភ្នែក​ខ្លាំង​ណាស់។ អ្នកនិយមលេងអ៊ីនធឺណិតជាច្រើនបានបញ្ចេញមតិអំពីសម្រស់ភរិយារបស់ Hyun Bin មុនពេលចូលប្រឡូកក្នុងវិស័យសិល្បៈថា Son Ye Jin ពិតជាមើលទៅដូចគ្នាអស់រយៈពេលជាច្រើនឆ្នាំ” “ខ្ញុំពិតជាឆ្ងល់ថាតើមានអារម្មណ៍យ៉ាងណាពេលរស់នៅជាមួយនារីម្នាក់ដែលមានមុខស្អាតបែបនេះ?

៣ Song Hye Kyo

មិនចម្លែកទេដែល​បញ្ជី​សាលា Queencard មានឈ្មោះ Song Hye Kyo។ តារាស្រីរូបនេះ បានធ្វើ​ឲ្យមជ្ឈដ្ឋានអនឡាញ​ខ្សឹបខ្សៀវ​ជាច្រើនដង និងសរសើរពីសម្រស់​មិនប្រែប្រួលរវាង​​បន្ទាត់​ពេលវេលា។ សូម្បីតែអ្នក​លេងអ៊ីនធឺណិតភាគច្រើនគិតថានាងបានប្រើមន្តអាគម​ដើម្បីរក្សាសម្រស់ផងដែរ។ នៅក្នុងរូបថតកាលពីអតីតកាល តារាស្រីរូបនេះបានទាក់ទាញ​អ្នកទស្សនា​ជាមួយនឹងសម្រស់ធម្មជាតិ និងមុខដ៏គួរឲ្យស្រលាញ់។ ជាពិសេស នៅពេលដែលគេ​ប្រៀបធៀបនាងកាលនៅក្មេងនិង​បច្ចុប្បន្ន​ អ្នកគាំទ្រជាច្រើនមានការភ្ញាក់ផ្អើល ដោយសារតែឥលូវ​នាង​ប្រែ​ក្មេងជាងពេល​នាងនៅ​រៀនទៅវិញ។

៤ Jun Ji Hyun

នាង​បាន​ល្បី​ឈ្មោះ​ក្នុង​នាម​ជា​តារា​បង្ហាញ​ម៉ូដ​ក្នុង​អំឡុង​ពេល​សិក្សា​នៅ​វិទ្យាល័យ​ជាមួយ​នឹង​សក់​វែង​ត្រង់​ស្អាត។ គេ​ដឹង​ថា​ម៉ូដ​សក់​បែប​រឿងព្រេង របស់​តារា​ស្រី​រូប​នេះ​ក៏​ក្លាយ​ជា​និន្នាការ​ក្នុង​សហគមន៍​សិស្ស​នា​ពេល​នោះ​ដែរ។ មិន​ត្រឹម​តែ​ទាក់ទាញ​ការ​ចាប់អារម្មណ៍​ដោយសារ​ស្ទីល​ផ្ទាល់ខ្លួន​ដ៏​គួរ​ឲ្យ​ចាប់អារម្មណ៍​នោះ​ទេ តួ​ស្រី​ក្នុង​រឿង “Legend of the Blue Sea” ក៏​ត្រូវ​បាន​គេ​ចងចាំ​ពី​រូបរាង​សាមញ្ញ ស្រស់​ស្អាត និង​ផ្អែមល្ហែម​របស់​នាង។

៥​​ Bae Suzy

Bae Suzy ក៏ស្ថិតក្នុង​បញ្ជី​ទេពធីតា​សាលាដូចគ្នា មិនត្រឹមតែបានបន្សល់ទុកនូវ​ចំណាប់អារម្មណ៏​យ៉ាងជ្រាលជ្រៅចំពោះទស្សនិកជនតាមកញ្ចក់ទូរទស្សន៍តាមរយៈតួនាទីជាសិស្សសាលាដ៏មានទេពកោសល្យក្នុងរឿង “Dream High” ប៉ុណ្ណោះទេ ប៉ុន្តែសូម្បីតែជីវិតសិស្សរបស់តារាស្រីរូបនេះក៏មានភាពស្រដៀងគ្នាខ្លាំងផងដែរ។ ដូច្នោះហើយ រូបថតកុមារភាពរបស់តារាស្រីកើតក្នុងឆ្នាំ១៩៩៤ ធ្វើឲ្យអ៊ិនធឺណិតសឹងមោនជឿដោយសារតែភាពស្លូតបូត និងភាពទន់ភ្លន់ដែលមាននៅលើមុខ។ មិនត្រឹមតែប៉ុណ្ណោះ នាងថែមទាំងលួចបេះដូងអ្នកគាំទ្រជាច្រើន នៅពេលដែលនាងញញឹមយ៉ាង​កក់ក្ដៅ។

៦ Jang Won​​ young សមាជិក្រុម IVE

តារាស្រី​កូរ៉េជំនាន់ទី៤និងជា សមាជិក IVE ត្រូវបានគេស្គាល់ថាជា​សាធារណៈសម្រាប់​ការសម្តែងរបស់នាង ស្ទីលម៉ូដទាន់សម័យ និង ទាក់ទាញភ្នែកនៅលើឆាក។ មិនត្រឹមតែប៉ុណ្ណោះ ការមើលឃើញ​របស់នាង​ជាច្រើនដងបានក្លាយជាប្រធានបទក្ដៅ នៅពេលនាងកំពុង​សិក្សានៅវិទ្យាល័យ​សិល្បៈ​សម្តែង​ទីក្រុងសេអ៊ូល។ ជាឧទាហរណ៍ នៅក្នុងកម្រងរូបថតឆ្នាំបញ្ចប់​ការសិក្សា Won young បានធ្វើឲ្យ​សហគមន៍​អនឡាញមានការ​ភ្ញាក់ផ្អើល ដោយបង្ហាញ​សម្រស់ពិត ១០០% របស់នាង។ ដូច​ឃើញ​ស្រាប់​តារា​ស្រី​រូប​នេះ​បាន​បង្ហាញ​មុខ​គួរ​ឲ្យស្រឡាញ់​ តុបតែង​ដោយ​ឯកសណ្ឋាន​ពណ៌​លឿង​ដ៏​ទាក់​ទាញ៕

ប្រែសម្រួល៖ សាង ស្រីល័ក្ខ

ចុចអាន៖Jennie ទាក់ទាញអ្នកទស្សនា ៣.៦ លាននាក់ ទោះ “The Idol” រងការរិះគន់ថាអាសអាភាស