ជីវិតកម្សាន្ដ

ឌី សូនីតា ច្រានចោលដំណឹងត្រៀមចូលរោងការជាមួយ ណាន វីសារ

បានផុស

២ years មុន

នៅ

ថ្ងៃចន្ទ ១៩ មិថុនា ២០២៣

ដោយ

តារាសម្ដែងអ្នកនាង ឌី សូនីតា ថ្មីៗនេះ បានធ្វើឲ្យមហាជន និងអ្នកគាំទ្រ មានការភ្ញាក់ផ្អើលគ្រប់គ្នា ខណៈមានដំណឹងថាអ្នកមេម៉ាយកូនមួយរូបស្រស់រូបនេះ កំពុងមានទំនាក់ទំនងស្នេហាក្រៅឆាកជាមួយតារាចម្រៀងវ័យក្មេង ណាន វីសារ។ ដំណឹងដ៏ភ្ញាក់ផ្អើលនេះកើតឡើងស្របពេលផេកហ្វេសប៊ុកមួយ បានទម្លាយពីរូបភាពស្និទ្ធស្នាលកៀកកើយរវាងតារាស្រី ឌី សូនីតា និង ណាន វីសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពនោះបានទម្លាយសារភ្ជាប់រូបភាពតារាពីរដួងនេះដូច្នេះថា «អាយុគ្រាន់តែជាតួលេខ ខាងស្រីបងខាងប្រុសជាង ១០ ឆ្នាំតើ មានអីមិនល្អនែស មែនអត់ Team ស្រីអាយុបង។ គោរពការសម្រេចចិត្ត Idol Visa Nan ណាន វីសារ Congratulations ថ្ងៃណាត់ជួបលើកដំបូងត្រៀមចូលរោង ពិភពលោកនេះ ពណ៌ស៊ីជម្ពូល្អណាស់ Dy Sonita»។

បន្ទាប់ពីមានការបញ្ចេញបែបនេះគេសង្កេតឃើញថាមានសារព័ត៌មានក្នុងស្រុកមួយចំនួនបានចុះផ្សាយអំពីដំណឹងនេះ បង្កការចាប់អារម្មណ៍ដល់អ្នកគាំទ្រជុំវិញទំនាក់ទំនងរបស់តារាស្រីរៀមច្បងអ្នកនាង ឌី សូនីតា និងតារាប្រុសលោក ណាន វីសាល។ ប៉ុន្តែយ៉ាងណាមិញត្រូវបានអ្នកនាង ឌី សូនីតា បានចេញមកច្រានចោលព័ត៌មានខាងលើនេះផ្ទុះពីការសង្ស័យ។

ស្រាយមន្ទិល និងចម្ងល់ខាងលើ តារាសម្ដែងអ្នកនាង ឌី សូនីតា បានបញ្ជាក់ឲ្យដឹងថា នាងគ្រាន់តែស្លៀកឈុតនេះលេងតែប៉ុណ្ណោះ ព្រោះអ្នកនាងជាម្ចាស់សម្អាងការស្រាប់។ ឌី សូនីតា បានលើកឡើងថា «បងៗសារព័ត៌មានហើយ ចូលរោងការទៅណា។ ទំនេរៗ ស្លៀកថតលេងហ្នឹងណា បើខ្លួនឯងម្ចាស់សម្អាងហ្នឹងមែនអត់ វីសា? Visa Nan ណាន វីសារ»៕

អត្ថបទ ៖ ចាន់រ៉ា