ផលិតកម្មរបស់ YoonA និង Junho ឆ្លើយតបព័ត៌មានណាត់ជួបរវាងតារាទាំងពីរ

ទាំងផលិតកម្ម SM និង JYP បានបដិសេធនូវព័ត៌មានចចាមអារ៉ាមដែលថា តារាចម្រៀង និងសម្ដែង YoonA សមាជិកក្រុម Girls’ Generation និងតារាប្រុស Lee Junho សមាជិកក្រុម 2PM មានទំនាក់ទំនងស្នេហានឹងគ្នា។

នៅក្នុងសេចក្តីថ្លែងការណ៍មួយដែលបានចែករំលែកជាមួយប្រព័ន្ធផ្សព្វផ្សាយ Newsen ទាំងផលិតកម្ម SM Entertainment និង JYP Entertainment ពុំទទួលស្គាល់នូវរបាយការណ៍មុនៗអំពីទំនាក់ទំនងរវាងតារាទាំងពីររបស់ក្រុមហ៊ុនពួកគេនោះទេ។

នៅក្នុងនោះផលិតកម្ម JYP Entertainment បានថ្លែងថា “អ្នក​ទាំង​ពីរ​ស្និទ្ធស្នាល​នឹង​គ្នា ប៉ុន្តែ​របាយការណ៍​ដែល​ថា ​ពួកគេ​កំពុង​ទាក់ទង​គ្នា ​នោះ​មិន​ពិត​ទេ។” ដោយឡែកផលិតកម្ម SM Entertainment វិញក៏ឆ្លើយតបមិនខុសគ្នាដែរថា “YoonA មានភាពស្និទ្ធស្នាលជាមួយ Junho ប៉ុន្តែពាក្យចចាមអារ៉ាមថា ពួកគេកំពុងទាក់ទងគ្នាមិនមែនជាការពិតឡើយ។” ​

គួរបញ្ជាក់ថា នៅព្រឹកមិញនេះប្រព័ន្ធផ្សព្វផ្សាយសង្គមនាំគ្នាការចែករំលែកយ៉ាងផុសផុលអំពីព័ត៌មានណាត់ជួបរវាង YoonA និង Lee Junho បន្ទាប់ពីពួកគេបានចាប់ដៃគ្នាថតរឿង “King the Land” ៕

ប្រែសម្រួល៖ សន្យា

ចុចអាន៖ Netflix គ្រោងចាយប្រាក់ ២.៥ពាន់លានដុល្លារ លើវិស័យភាពយន្តកូរ៉េ

ចុចអាន៖ ទម្លាយតម្លៃគ្រឿងអលង្ការរាប់សែនដុល្លារ ដែល ​Lisa ពាក់បង្អួតទស្សនិកជនថ្ងៃមុន