ជីវិតកម្សាន្ដ

សុខ ស្រីម៉ុច ជួបរឿងស៊យផ្ទួនៗ ទុកចិត្តមនុស្សខុស ជិតអស់ទ្រព្យពីខ្លួន

បានផុស

៣ years មុន

នៅ

ថ្ងៃពុធ ៥ កក្កដា ២០២៣

ដោយ

តារាស្រី កញ្ញា សុខ ស្រីម៉ុច បច្ចុប្បន្នមានការប្រែប្រួលខ្លាំង ទាំងជីវភាពរស់នៅប្រចាំថ្ងៃ និងភាពហ៊ឺហា ការប្រើប្រាស់របស់មានតម្លៃមិនចាញ់តារាស្រីឯទៀតនោះទេ។ ប៉ុន្តែរឿងដែលគួរកត់សម្គាល់ កញ្ញា សុខ ស្រីម៉ុច ថ្មីៗនេះ ស្រាប់តែជួបបញ្ហាមិនសប្បាយចិត្តដោយសារទុកចិត្តមនុស្សខុស ពោលជួបរឿងស៊យផ្ទួនៗគ្នា ត្រូវអ្នកស្គាល់គ្នាជិតដិតលួចយករបស់របរមានតម្លៃមួយចំនួន។ នេះបើតាមការបញ្ជាក់ឲ្យដឹងពីតារាសម្ដែងរូបស្រស់កញ្ញា សុខ ស្រីម៉ុច មកកាន់«កម្ពុជាថ្មី»កាលពីថ្មីៗមុននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែង សុខ ស្រីម៉ុច បានប្រាប់«កម្ពុជាថ្មី» តាមរយៈជំនួបសារអេឡិចត្រូនិកថា មួយរយៈចុងក្រោយនេះ អាជីពសិល្បៈរបស់នាងរវល់គួរសម។ ប៉ុន្តែទន្ទឹមគ្នានេះដែរ នាងក៏ទើបតែជួបរឿងមិនសប្បាយចិត្តដោយសារបញ្ហាបាត់បង់របស់មានតម្លៃមួយចំនួនម្តងជាពីរដង ក្នុងអំឡុងខែមិថុនា ឆ្នាំ២០២៣ កន្លងទៅនេះ។ នាងថា បញ្ហាកើតឡើងព្រោះតែការទុកចិត្ត អាណិត និងជួយយកអាសាគេ តែចុងក្រោយត្រូវបាត់បង់របស់ផ្ទាល់ខ្លួន។

ទោះបីយ៉ាងណាក្តី ស្រីម៉ុច មិនបានបញ្ជាក់ទេថា អ្នកដែលយករបស់នាងដូចជា ខ្សែ.ក និងរបស់មានតម្លៃផ្សេងៗទៀតនោះ គឺជានរណាឡើយ គ្រាន់តែបង្ហើបថាជាមនុស្សដែលស្គាល់គ្នា និងស្និទ្ធស្នាលជាមួយខ្លួនប៉ុណ្ណោះ។

បច្ចុប្បន្ន កញ្ញា សុខ ស្រីម៉ុច បាននិងកំពុងពង្រឹងមុខរបរផ្ទាល់ខ្លួន តាមរយៈការលក់ផលិតផលនៅលើទីផ្សារអនឡាញដើម្បីបន្ថែមប្រាក់ចំណូលប្រចាំថ្ងៃ។

គួរបញ្ជាក់ថា ការរក្សាបានទីផ្សារសិល្បៈនាពេលនេះ ក៏ត្រូវបានទស្សនិកជនមួយចំនួនយល់ថា ស្រីម៉ុច នៅតែអាចក្ដាប់បានឱកាសចេញកើបលុយដើម្បីបំពេញតម្រូវការជីវភាព និងភាពហ៊ឺហាប្រចាំថ្ងៃ។ ក្នុងនោះ ស្រីម៉ុច ក៏ជាតារាសម្ដែងខ្មែរមួយរូបដែលមានសមត្ថភាពសម្ដែងផង និងចម្រៀងបានល្អ បូករួមនឹងទេពកោសល្យសិល្បៈខ្ពស់បន្ថែមទៀត៕

អត្ថបទ ៖ ចាន់រ៉ា