ជីវិតកម្សាន្ដ

អតីតចាងហ្វាងផលិតកម្ម KH តាំងចិត្តបើកផលិតកម្មឡើងវិញ ក្រោយទម្លាយរឿងកម្សត់នឹកដល់កូនៗ

បានផុស

៣ years មុន

នៅ

ថ្ងៃសៅរ៍ ១៥ កក្កដា ២០២៣

ដោយ

ថ្មីៗនេះមានការចាប់អារម្មណ៍ បន្ទាប់ពីការចែករំលែក និងផ្សព្វផ្សាយជុំវិញរឿងរ៉ាវផ្ទាល់ខ្លួនរបស់អតីតម្ចាស់ផលិតកម្ម KH លោក តាំង គឹមហេង ក្រោយពេលលោកឃ្លាតឆ្ងាយពីសិល្បៈអស់មួយរយៈធំកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងរ៉ាវដែលធ្វើឲ្យមហាជន និងអ្នកគាំទ្រផ្ទុះការចាប់អារម្មណ៍ជាថ្មីនោះ ពាក់ព័ន្ធជីវិតរស់នៅរបស់លោកនាពេលបច្ចុប្បន្ន ពិសេសបញ្ហាកូនៗរបស់លោកដែលបានឃ្លាតឆ្ងាយពីរូបលោកដោយពុំមានការនឹកនា ឬ មកលេងដើម្បីសួរសុខទុក្ខខ្លួនលោកដែលជាឪពុក។ បន្ទាប់មានបទសម្ភាសន៍មួយជាមួយលោក គឹមហេង អំពីដំណើរជីវិត លោកក៏បានបន្លុយសារនឹកដល់កូនៗថា «ប៉ា នឹកកូន…រៀងរាល់រាត្រីយប់ថ្ងៃ ប៉ា សង្ឃឹមថា ស្រមៃឃើញកូនគ្រប់វិនាទី ដង្ហើមចេញចូលរបស់ ប៉ា ប៉ា រង់ចាំកូន»។

លោកនិយាយទៀតថា «ភាពជាអ្នកដឹកនាំទឹក…ចិត្តប៉ា ប៉ានឹកកូនៗ ហេតុអ្វីបានជាពេលប៉ានឹកដល់កូន គឺទឹកភ្នែកប៉ាហូរ? មនុស្សអ្នកធ្វើ ទេវតាអ្នកមើលមនុស្សល្អទាំងអស់គ្នា គឹម ហេង តែងតែប្រើពាក្យថា ប៉ានឹកកូន ប៉ាស្រឡាញ់កូន ប៉ាគឺជាប៉ាមានព្រហ្មវិហារធម៌ចំពោះកូន ទោះបីកូនជាអ្វីក៏ដោយ កូនជាសាច់ជាឈាមរបស់ប៉ា»។ ចំពោះរឿងរ៉ាវនេះដែរ បានធ្វើឲ្យមហាជនអ្នកគាំទ្រជាច្រើនរំជួលចិត្តអាណិតដល់លោក គឹម ហេង។

ជាមួយគ្នានឹងបញ្ហាខាងលើក៏ត្រូវ លោកជំទាវឧកញ៉ាចិត្តធម៌ ហ៊ុន ស៊ីណាត បានបញ្ចេញទស្សនៈដោយការលើកទឹកចិត្តលោក តាំង គឹមហេង ផងដែរ។ ជាការឆ្លើយតប លោក គឹម ហេង បានលើកឡើងថា «សូមថ្លែងអំណរគុណលោកជំទាវ ហ៊ុន ស៊ីណាត ដែលបានចូលផ្ញើសារក្នុងវីដេអូខ្ញុំបាទជាថៅកែផលិតកម្មភាពយន្ត និងចម្រៀងខេអេចប្រម៉ូស្សិន KH.Promotion មានអត្ថន័យខ្លឹមសារដ៏ជ្រាលជ្រៅមិនអាចកាត់ថ្លៃបាន»។

យ៉ាងណាមិញលោក តាំង គឹមហេង ក៏បានបញ្ជាក់ដែរថា «ខ្ញុំបាទ នឹងរៀបចំត្រៀមបើកផលិតកម្មឡើងវិញ នៅពេលដែលខ្ញុំមានថវិកាគ្រប់គ្រាន់ ឥឡូវនេះខ្ញុំកំពុងខ្វះខាត និងសូមអរគុណលោកជំទាវច្រើនដែលបានផ្ញើសារ និងលើកទឹកចិត្តដល់ខ្ញុំបាទ។ សូមគោរពជូនពរលោកជំទាវ និងក្រុមគ្រួសារ មានសុខភាពល្អ និងមានសុភមង្គលជារៀងរហូត»៕

អត្ថបទ ៖ ចាន់រ៉ា