ជីវិតកម្សាន្ដ

ក្រោយវីជេ ដាដា ទម្លាយរឿងលោក អ៊ិន សុភិន ស្រាប់តែ សុខ រ៉ាស៊ី បញ្ជាក់ថាមានជនរងគ្រោះ ៧ នាក់ហើយ ករណីនេះ

បានផុស

៣ years មុន

នៅ

ថ្ងៃអង្គារ ១៨ កក្កដា ២០២៣

ដោយ

អ្នកគាំទ្រ បានជ្រាបហើយថា ថ្មីៗនេះ វីជេ ដាដា បានទម្លាយរឿងអាស្រូវដ៏រសើប និងអាម៉ាស់ថ្មីមួយទៀតចំពោះលោក អ៉ិន សុភិន ជាម្ចាស់ផលិតកម្មមហាហង្ស ដែលជំពាក់លុយមិនព្រមសង បង្កការភ្ញាក់ផ្អើលដល់មហាជន ព្រមទាំងអ្នកប្រើប្រាស់បណ្ដាញសង្គមហ្វេសប៊ុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធរឿងរ៉ាវអាស្រូវរបស់លោក អ៉ិន សុភិន ពុំមែនជាលើកទីមួយទេដែលត្រូវបានសិល្បករ សិល្បការិនី ទម្លាយដ៏អាម៉ាស់ជុំវិញរឿងបំណុលជួលមនុស្សឲ្យធ្វើការងារតែមិនបើកលុយឲ្យគេ។

ជាក់ស្ដែង ស្របពេល វីជេ ដាដា ទម្លាយបញ្ហាជំពាក់លុយនេះដែរ ស្រាប់តែពិធីករ លោក សុខ រ៉ាស៊ី ដែលជាជនរងគ្រោះម្នាក់ ក្នុងចំណោមនេះ ក៏ចេញមកបញ្ជាក់ថា មានជនរងគ្រោះ ៧ នាក់ហើយ លើករណីនេះ។

តាមរយៈខ្លឹមសារ នៃសំណេរដែលលោក សុខ រ៉ាស៊ី ស៊ែចែករំលែកបន្តពី វីជេ ដាដា បានលើកឡើងថា ជនរងគ្រោះទី ៧ ហើយ ទាំងតារាសម្ដែង ពិធីករ អ្នករៀបចំឆាក បុគ្គលិក និងគ្រូបង្វឹកបាល់ទាត់។

លោក រ៉ាស៊ី បញ្ជាក់ថា «លុយខ្ញុំ ១៥ ០០០ ដុល្លារ គ្មានបានសូម្បីមួយរៀលលុយខ្មែរ ពឹងតុលាការប្រហែល ២០ ឆ្នាំទៀត បានបានលុយមើលទៅ តើអ្នកណាអាចជួយបាន?»។

ពិធីករសម្បូរវោហារសព្ទលោក សុខ រ៉ាស៊ី ធ្លាប់បានបញ្ជាក់ប្រាប់ «កម្ពុជាថ្មី» ឲ្យដឹងដែរថា គិតរហូតមកដល់ពេលនេះករណីបណ្ដឹងរបស់លោកទៅលើ លោក អ៉ិន សុភិន នៅមិនទាន់មានច្រកចេញ ឬ ដំណោះស្រាយនៅឡើយទេ ខណៈដែលពាក្យបណ្ដឹងនោះ គឺ លោក សុខ រ៉ាស៊ី បានដាក់ចូលទៅតុលាការរយៈពេលប្រមាណជា ១ ឆ្នាំ មកហើយ។

លោក សុខ រ៉ាស៊ី ដោយសារតែហេតុផលស្ងប់ស្ងាត់ជាថ្មីម្តងទៀតនេះ ទើបលោកចេញមុខស្នើ និងអំពាវនាវយ៉ាងទទូចដល់ប្រព័ន្ធច្បាប់ឲ្យជួយរកយុត្តិធម៌ និងពន្លឿនរឿងក្តីនេះ ដើម្បីស្វែងរកយុត្តិធម៌ចំពោះជនរងគ្រោះដូចជារូបលោកផ្ទាល់។

លោក សុខ រ៉ាស៊ី បានថ្លែងប្រាប់តាមសារអេឡិចត្រូនិកថា “ចំពោះរឿងក្តីរបស់ខ្ញុំ គឺពុំទាន់មានដំណោះស្រាយសមស្របណាមួយនៅឡើយទេ ដូច្នេះសូមឲ្យតុលាការជួយពន្លឿនរឿងក្តីនេះផង”។

លោក សុខ រ៉ាស៊ី និយាយទៀតថា ចំណែកឯសំណង ក៏លោកនៅមិនទាន់ទទួលបានសូម្បីតែ ១០០ លុយខ្មែរដែរ ព្រោះកន្លងមក ខាងតុលាការបានទុកពេលឲ្យសម្រុះសម្រួលគ្នាក្រៅផ្លូវច្បាប់សិន ហើយមេធាវីរបស់គាត់(លោក អ៊ិន សុភិន) ព្យាយាមចរចាដែរ ប៉ុន្តែក្រោយការចរចាហើយនៅតែមិនព្រមផ្តល់សំណង ឬ សង់លុយឲ្យលោកទេ។ លោកសង្កត់ធន់ថា មកដល់ពេលនេះ ខ្លួនពុំទាន់ទទួលបានពន្លឺយុត្តិធម៌ និងសំណងទេ៕

អត្ថបទ ៖ ចាន់រ៉ា