ជីវិតកម្សាន្ដ

កូនស្រី គង់ សុជាតិ ឈ្នះមេដាយ ៩ នៅកូរ៉េ ក្នុងការប្រកួត WSC Seoul Global Round 2023

បានផុស

៣ years មុន

នៅ

ថ្ងៃសុក្រ ២១ កក្កដា ២០២៣

ដោយ

អ្នកនាង គង់ សុជាតិ ពិធីការិនីល្បីឈ្មោះសម្ដីចាក់ទឹកមិនលិច ខណៈកូនស្រីជោគជ័យការប្រកួតប្រជែងដោយឈ្នះមេដាយចំនួន ៩ ក្នុងកម្មវិធី នៃការប្រកួត WSC Seoul Global Round 2023 នាងបានបង្ហាញអារម្មណ៍មោទនភាព និងសប្បាយរីករាយខ្លាំង។

នេះជាលទ្ធផលល្អគាប់ប្រសើរមួយដែលធ្វើឲ្យអ្នកនាង គង់ សុជាតិ ក្នុងនាមជាម្ដាយ សម្ដែងក្ដីត្រេកអរចំពោះការខិតខំប្រឹងប្រែងរបស់កូនពេលនេះ។ អ្នកនាង គង់ សុជាតិ បញ្ជាក់ឲ្យដឹងទៀតថា នៅមិនទាន់ចប់នៅឡើយទេ គឺ នៅមានបន្តទៀត ដូច្នេះនាងក៏បានជូនពរកូនស្រីទទួលបានលទ្ធផលល្អបន្ថែមទៀតសម្រាប់ការប្រកួតក្រោយៗនោះ។

អ្នកនាង គង់ សុជាតិ បានបញ្ជាក់ថា «មានមោទកភាពណាស់ដែលកូនស្រីរបស់ម្ដាយជាក្មេងស្រីដែលពូកែ ហើយឆ្លាត លើកនេះមកដល់ប្រទេសកូរ៉េនៅក្នុងកម្មវិធីប្រកួត WSC Seoul Global Round 2023 ទទួលបានមេដាយ ៩ ហើយ នៅមានបន្តទៀត សូមពាក្យជូនពរម្នាក់មួយមក អ៊ំ ពូ មីង ទាំងអស់គ្នា»។

រឿងអ្នកគាំទ្រកត់សម្គាល់ និងសរសើរពិធីការិនីជើងចាស់រូបនេះទៀតនោះ ព្រោះ អ្នកនាង គង់ សុជាតិ គឺជាម្ដាយដែលចិញ្ចឹមកូនបានល្អ ស្ដាប់តាមដំបូន្មានម្ដាយ-ឪពុក ខណៈឆ្នាំនេះកូនស្រីច្បងនាងកាន់តែធំក្រមុំពេញរូបពេញរាងស្រស់ស្អាត ហើយថែមទាំងឆ្លាតទៀតផង។