ទស្សនិកជនប្រដូច Kratae ទៅនឹងនារីលក់ខ្លួន ក្រោយនាងបង្ហោះរូប ៣ ប្លង់ក្នុងឈុតប៊ីគីនី

ប្រិយមិត្តទាំងក្នុង និងក្រៅស្រុក នរណាៗក៏ទទួលស្គាល់ថា តារាចម្រៀង Kratae ជាតារាស្រីនិយមលេងខ្លួនសិចស៊ីមិនថានៅក្នុង MV រូបថតនៅលើបណ្ដាញសង្គម ឬនៅក្រៅឆាកឡើយ។ រាល់ពេលបង្ហាញខ្លួនសិចស៊ី នាងធ្លាប់ទទួលបានទាំងមតិសរសើរ និងរិះគន់ ប៉ុន្តែនាងហាក់មិនសូវយកចិត្តទុកដាក់ប៉ុន្មានទេ ពេលរងមតិវាយប្រហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ​ក្រោយបង្ហោះរូបស្លៀកប៊ីគីនី ៣ប្លង់ នៅលើគណនីបណ្ដាញសង្គមរបស់នាង នាពេលថ្មីៗនេះ តារាស្រីវ័យ ៣៥ឆ្នាំ ហាក់ទទួលបានមតិអវិជ្ជមានធ្ងន់ៗខុសពីរាល់ដង ព្រោះវាជាពាក្យប្រមាថដល់កិត្តិយសរបស់នាងយ៉ាងខ្លាំង។

ទស្សនិកជនមួយចំនួនបានសរសេរនៅពីក្រោមរូបរបស់ Kratae ដោយនិយាយថា ការបង្ហោះរូបរបស់នាងមិនខុសអីនារីរកស៊ីផ្លូវភេទនោះទេ តើនាងលក់សំឡេងឬលក់ខ្លួន? ខណៈមតិខ្លះទៀតថា​ រូបភាពរបស់ Kratae ជារូបភាពរបស់តារាសិច។ មិនបង្អង់យូរ Kratae បានតបថា នាងមិនខ្វល់នោះទេ ​ព្រោះពេលនាងឈឺពួកគេមិនបានទៅមើលថែនាងឡើយ ហើយនាងបញ្ចប់ប្រយោគថា “Don’t Care” (អត់ខ្វល់) ៕

ប្រែសម្រួល៖ សន្យា

ចុចអាន៖ ក្រៅពីសិល្បៈ Kwan ជាម្ចាស់ជំនួញដ៏ជោគជ័យមួយរូប

ចុចអាន៖ រួមរស់នឹងគ្នាជាង ២ឆ្នាំ Min Peachaya ទើបសារភាពផ្លូវការថា នាងមានមិត្តប្រុស