ជីវិតកម្សាន្ដ

ពេជ្រ ថាណា ចូលសិល្បៈ ១៤ ឆ្នាំ ត្រូវគេមើលងាយថានៅតែមិនល្បី

បានផុស

៣ years មុន

នៅ

ថ្ងៃចន្ទ ២១ សីហា ២០២៣

ដោយ

តារាចម្រៀងប្រុសលោក ពេជ្រ ថាណា សម្ដែងការហួសចិត្តខ្លាំង បន្ទាប់ពីមនុស្សមួយចំនួនលើកការប្រៀបធៀបរវាងលោកទៅនឹងអ្នកសិល្បៈដទៃ។ ក្នុងនោះ លោកហាក់មានការអន់ចិត្តផងដែរ ក្រោយគេមើលងាយថា ចូលសិល្បៈ ១៤ ឆ្នាំហើយ នៅតែមិនល្បី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លើយតបការរិះគន់នេះដែរ តារាចម្រៀងលោក ពេជ្រ ថាណា បានលើកហេតុផលថា សុំកុំយកលោកទៅប្រៀបធៀបអ្នកដទៃ។ លោកបញ្ជាក់ថា «ខ្ញុំគ្មានអ្នកណាស្គាល់ខ្ញុំទេពេលនេះ…ហ៊ឺ…..! ហេតុអ្វីត្រូវយកតួមកប្រៀបធៀបគ្នា គេជាគេ ខ្ញុំនៅតែជាខ្ញុំ ខ្ញុំមិនល្បី ទើបអ្នកមើលងាយខ្ញុំមែនទេ តួម្នាក់ៗ មានកិត្តិយសរៀងៗ ខ្លួន អ្នកល្បីមុន ល្បីក្រោយ ក៏មានតម្លៃដូចគ្នា»។

ពេជ្រ ថាណា បានបន្តថា «ហេតុអ្វីត្រូវមើលងាយគេ អ្នកចម្រៀងមិនល្បីមានច្រើនណាស់នៅស្រុកខ្មែរ ទោះគេល្បី ឬ មិនល្បី កុំរៀនមើលងាយគេ ត្រូវចេះឲ្យតម្លៃសិល្បៈគ្រប់ៗគ្នាផង»។ លោកសង្កត់ធ្ងន់ថា «ខ្ញុំចូលសិល្បៈ ១៤ ឆ្នាំ ហើយមកដល់ពេលនេះនៅគេមើលងាយថាមិនល្បី ចុះទម្រាំសិល្បករផ្សេងៗ ជាច្រើនទៀតទៅជាយ៉ាងណា ខ្ញុំមិនចង់មានបញ្ហាទេ តែមើលងាយខ្ញុំពេក មនុស្សខ្ញុំស្រួលណាស់ តែកុំប៉ះពាល់ខ្ញុំ»។

តារាចម្រៀងរូបនេះ លើកឡើងទៀតថា «គេថាច្រៀងយកតែលុយទៅបានហើយ តួតូច ឬក៏ធំ កុំខ្វល់ គេដាក់រូបកន្លៀតត្រង់ណា កៀនណាចេះតែច្រៀងយកលុយទៅ លុយចង់បាន តែបើមិនឲ្យតម្លៃ ខ្ញុំសុំមិនក្បែរ អរគុណ»។