សមាជិកក្រុម 2PM មិនចង់ឱ្យម្ដាយមើលភាពយន្តខ្លួន ក្រោយសម្ដែងក្នុងរឿង ១៨+

តារាចម្រៀង និងសម្ដែង Nichkhun សមាជិកក្រុម 2PM និយាយនៅក្នុងបទសម្ភាសន៍មួយដោយត្រង់ៗថា លោកមិនចង់ឱ្យម្តាយមើលភាពយន្តដែលលោកសម្តែងនោះទេ ព្រោះភាពយន្តនោះមានឈុតអាសអាភាស និងឈុត ១៨+ ។

ថ្មីៗនេះ Nichkhun សមាជិកក្រុម 2PM បានចេញមុខមុខផ្ដល់បទសម្ភាសន៍មួយ ក្រោយមានឱកាសសម្ដែងក្នុងខ្សែភាពយន្តហូលីវូដដំបូងបំផុត ហើយភាពយន្តនេះកំពុងទទួលបានការចាប់អារម្មណ៍យ៉ាងច្រើន ជាពិសេសចំពោះឈុតស្រើបស្រាល ដែល Nichkhun ជាអ្នកដើរតួ។

ខ្សែភាពយន្ត “The Modelizer” ជាសាច់រឿង​មនោសញ្ចេតនាស្នេហា បូករួមនឹងឈុតរោលរាល ហាមក្មេងក្រោម ១៨ឆ្នាំទស្សនា។​ ដោយឡែកចំពោះ Nichkhun បានសម្ដែងជាតួ Bucky ជាបុរសចូលចិត្តពិធីជប់លៀង និងការកម្សាន្តពេលរាត្រី។ នៅក្នុងតួនាទីរបស់លោក លោកមិនត្រឹមតែមានឈុតដោះសម្លៀកបំពាក់ប៉ុណ្ណោះទេ ប៉ុន្តែតារាប្រុសរូបនេះថែមទាំងសម្ដែងឈុតរួមភេទទៀតផង ហើយដោយសារមូលហេតុនេះ ទើបលោកមិនចង់ឱ្យម្ដាយរបស់លោកទស្សនានោះទេ ក្រោយរឿងបានចាក់ផ្សាយជាផ្លូវការ៕

ប្រែសម្រួល៖ សន្យា

ចុចអាន៖ ខ្សែភាពយន្ត Jennie សម្ដែងលើកដំបូង ប្រកាសលុបចោលវគ្គ២ ព្រោះខ្លឹមសារផ្លូវភេទ