ជីវិតកម្សាន្ដ

កវី សុខ ជំនោ ចាត់ទុកករណី ប៊ុត សីហា ជាមេរៀនសម្រាប់គ្រប់គ្នាកុំមើលរំលងឱកាស

បានផុស

២ years មុន

នៅ

ថ្ងៃសុក្រ ១៥ កញ្ញា ២០២៣

ដោយ

ពាក់ព័ន្ធរឿងរ៉ាវរបស់តារាចម្រៀង ប៊ុត សីហា ដែលត្រូវបានប៉ូលីសចាប់ខ្លួនជាលើកទី២ ករណីគ្រឿងញៀនកាលពីប៉ុន្មានថ្ងៃមុននេះ លោក សុខ ជំនោ កវីនិពន្ធបានបញ្ចេញទស្សន:ដោយបង្ហាញការសោកស្តាយចំពោះទង្វើរនេះ។

ក្រៅតែការសម្តែងអារម្មណ៍សោកស្តាយលោក សុខ ជំនោ បានចាត់ទុកដែរថា នេះគឺជាមេរៀនសម្រាប់គ្រប់គ្នាមិនត្រូវមើលរំលងឱកាស។ លោក សុខ ជំនោ បានលើកឡើងថា សោកស្តាយចំពោះឱកាសការងារដែលគ្រប់គ្នាផ្តល់ឲ្យគាត់ ទាំងលុយកាក់ និងទឹកចិត្តគាំទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុខ ជំនោ បាននិយាយបន្ថែមទៀតថា ជាមេរៀនសម្រាប់គ្រប់គ្នាកុំមើលរំលងនូវឱកាស និងមើលស្រាលទឹកចិត្តអ្នកជឿជាក់លើខ្លួន។ ដោយឡែកថ្មីៗនេះអ្នកស្រី ទ្រី ដាណា ដែលធ្លាប់បានផ្តល់ឱកាសជួយលុយកាក់ផងនោះក៏បានបង្ហាញការខកចិត្តដែលបានជួយជ្រោមជ្រែងថែមទាំងផ្តល់លុយជិ១០ម៉ឺនដុល្លារតែបុគ្គលរូបនេះមិនអាចកែខ្លួន។

សូមបញ្ជាក់ថា លោក ប៊ុត សីហា រួមនឹងបក្ខពួកម្នាក់ទៀតឈ្មោះឈ្មោះ ឆន វល្លិន ភេទប្រុសអាយុ៣៨ឆ្នាំមុខរបរមិនពិតប្រាកដរស់នៅភូមិត្រាំខ្នា ឃុំស្នំក្រពើស្រុកគងពិសីត្រូវបានកម្លាំងនគរបាលស្រុកគងពិសីខេត្តកំពង់ស្ពឺឃាត់ខ្លួនកាលពីវេលាម៉ោងប្រមាណ៤រសៀល ថ្ងៃទី១២ ខែកញ្ញា ឆ្នាំ២០២៣ ស្ថិតនៅចំណុចភូមិត្រាំខ្នា ឃុំស្នំក្រពើ ស្រុកគងពិសី ខេត្តកំពង់ស្ពឺ ពាក់ព័ន្ធគ្រឿងញៀន ។

គួររលឹកដែរថា កាលពីឡុងដើមឆ្នាំ២០១៨ តារាចម្រៀងលោក ប៊ុត សីហា ត្រូវបានសមត្ថកិច្ចឃាត់ចាប់ខ្លួនពាក់ព័ន្ធនឹងករណីប្រើប្រាស់គ្រឿងញៀនម្តងរួចមកហើយដែលស្ថិតនៅមុខសាលាបឋមសិក្សាពងទឹក សង្កាត់ពងទឹក ខណ្ឌដង្កោ រាជធានីភ្នំពេញ បន្ទាប់ពីតារាប្រុសរូបនេះទៅទិញគ្រៀងញៀនដើម្បីជក់ តែកាលណោះត្រូវបានក្រុមគ្រួសារធានាយកទៅធ្វើការអប់រំ និងបន្សាបគ្រឿងញៀន៕

អត្ថបទ៖ ចាន់រ៉ា